Բեյլն  ԱՊԼ-ի ամենաբարձր վարձատրվող ֆուտբոլիստն է

Բեյլն ԱՊԼ-ի ամենաբարձր վարձատրվող ֆուտբոլիստն է

20/03/2021 - 13:24

L’Equipe պարբերականը հրապարակել է անգլիական Պրեմիեր լիգայի ամենաբարձր վարձատրվող ֆուտբոլիստների և մարզիչների անունները և նրանց աշխատավարձերի չափը ամսեկան կտրվածքով։

Այսպիսով, ԱՊԼ-ում աեմենաշատը վարձատրվում է «Տոտենհեմի» վինգեր Գարեթ Բեյլը, որը ամսական վաստակում է 2․5 մլն եվրո։ Ուելսցին «շնաձկների» կազմում հանդես է գալիս վարձավճարով, իսկ տրանսֆերային իրավունքները պատկանում են «Ռեալին»։ Հատկանշական է, որ ֆուտբոլիստի աշխատավարձի մեծ մասը վճարում է հենց «արքայական» ակումբը։

Հաջորդը «Մանչեսթեր Յունայթեդի» դարպասապահ Դավիդ դե Խեան է՝ 1․85 մլն եվրո աշխատավարձով։ Նրան հաջորդում են «Մանչեսթեր Սիթիի» կիսապաշտպան Կևին դե Բրոյնեն (1.58 մլն) և վինգեր Ռահիմ Սթերլինգը (1․48 մլն)։

Լավագույն հնգյակը եզրափակում է ՄՅՈւ-ի կիսապաշտպան Պոլ Պոգբան։ Նրա ամսական աշխատավարձը կազմում է 1․42 մլն եվրո։

Պրեմիեր լիգայի ամնեաբարձր վարձատրվող մարզիչների շրջանակում առաջատարը «Սիթիի» գլխավոր մարզիչ Պեպ Գվարդիոլան է՝ 1․89 մլն եվրո աշխատավարձով։

Երկրորդ և երրորդ հորիզոնականներում են «Տոտենհեմի» և «Լիվերպուլի» գլխավոր մարզիչներ Ժոզե Մոուրինիոն և Յուրգեն Կլոպը։ Նրանք վաստակում են 1․42-ական մլն եվրո աշխատավարձ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023