Քին․ «Սիրտս խառնում է Դե Խեայից»

Քին․ «Սիրտս խառնում է Դե Խեայից»

20/06/2020 - 15:23

Երեկ՝ հունիսի 19-ին, անգլիական Պրեմիեր լիգայի 30-րդ տուրի շրջանակում «Տոտենհեմը» Լոնդոնում մրցեց «Մանչեսթեր Յունայթեդի» դեմ։

Հանդիպման 27-րդ րոպեին լոնդոնյան ակումբը Սթիվեն Բերգվեյնի ջանքերով բացեց խաղի հաշիվը։ Այդ դրվագում «կարմիր սատանաների» դարպասապահ Դավիդ դե Խեան անվստահ գործեց՝ չկարողանալով հեռացնել հոլանդացի հարձակվողի կատարած հարվածը։ Ի վերջո, խաղն ավարտվեց 1։1 հաշվով։ 81-րդ րոպեին Բրունո Ֆերնանդեշը հստակորեն իրացնելով 11 մետրանոց հարվածը՝ փրկեց իր թիմին պարտությունից։

Այդ դրվագից հետո մանկունյական ակումբի նախկին ավագ Ռոյ Քինը խիստ քննադատության է ենթարկել իսպանացի դարպասապահին։

«Սիրտս ահավոր խառնում է այդ դարպասապահից։ Ես կկռվեի նրա հետ ընդմիջմանը։

Դե Խեան ամենագերագանահատված դարպասապահն է, ում երբևէ տեսել եմ»,- նշել է Քինը, ում խոսքերը մեջբերում է Sportf-ը։

Նշենք, որ իռլանդացի նախկին ֆուտբոլիստն առաջին անգամ չէ, որ քննադատության է ենթարկում Դավիդ դե Խեային։ Մարտին Քինը «Էվերտոնի» դեմ կայացած խաղից հետո ասել է, որ Լինչի դատաստանի կենթարկեր իսպանացի դարպասապահին։

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023