Վերլուծություն
Մրցաշարային աղյուսակներ
«Բորուսիան» Der Klassiker-ում դրամատիկ ոչ-ոքի կորզեց «Բավարիայից» 🎥
Գերմանիայի Բունդեսլիգայի 8-րդ տուրում կայացած հերթական Der Klassiker-ում «Բավարիան» ու Դորտմունդի «Բորուսիան» Մյունխենում գոլառատ ոչ-ոքի (2:2) գրանցեցին։
«Ռեկորդ մայսթերը» երկու անգամ առաջ էր հաշվի մեջ, բայց խաղավերջում բաց թողեց հաղթանակը։
34-րդ րոպեին հյուրերը Ջոբ Բելինգհեմի ջանքերով բացեցին հաշիվը, բայց խաղից դուրս իրավիճակի պատճառով անգլիացի կիսապաշտպանի գոլը չեղարկվեց։
Ընդամենը չորս րոպե անց մյունխենյան գրանդն առաջ անցավ հաշվի մեջ. աչքի ընկավ Կոնրադ Լայմերը։
56-րդ րոպեին Հարի Քեյնը կարող էր կրկնապատկել «Բավարիայի» առավելությունը, բայց «Ոսկե գնդակի» նորընծա դափնեկրի իրացրած 11-մետրանոցից հետո գնդակը դիպավ դարպասաձողին։
60-րդ րոպեին Սերու Գիրասին խփեց «Բորուսիայի» պատասխան գոլը, բայց 66-ին Դայո Ուպամեկանոն նորից առաջ մղեց տանտերերին։
Թվում էր, թե մյունխենյան գրանդը կհաղթի, բայց 89-րդ րոպեին Ֆաբիու Սիլվան ոչ-ոքի կորզեց «Իշամեղուների» համար։
«Բավարիան» 18 միավորով առաջին տեղում է, «Բորուսիան»` նույնքան միավորով երկրորդ։
Գոլերը` այստեղ
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Չելսին» վստահ խաղով հաղթեց 10 ֆուտբոլիստով մնացած «Ման. Յունայթեդին» 🎥
Անգլիայի Պրեմիեր 9-րդ տուրի կենտրոնական խաղերից մեկում «Չելսին» Լոնդոնի «Սթեմֆորդ Բրիջ» ստադիոնում 2:0 հաշվով հաղթեց «Մանչեսթեր Յունայթեդին»։
«Ազնվականների» հաղթական գոլերը 50-րդ ու 64-րդ րոպեներին խփեցին համապատասխանաբար Մորգան Ռոջերսն ու Քոուլ Պալմերը։
«Կարմիր սատանաները» 63-րդ րոպեից` Լիսանդրո Մարտինեսի հեռացումից հետո, խաղում էին 10 ֆուտբոլիստով։
Մանկունիական ակումբը չի հաղթում արդեն բոլոր մրցաշարերի 9-րդ խաղում անընդմեջ Մայքլ Կարիկի գլխավորած թիմն այդ ընթացքում կրել է 6 պարտություն։ «Յունայթեդը» նախորդ հաղթանակը տարել է սեպտեմբերի 10-ին` Չեմպիոնների լիգայի Լիգայի փուլում առավելության հասնելով ադրբեջանական «Սաբահի» նկատմամբ։
«Չելսին» հաղթանակից հետո 16 միավորով բարձրացավ 4-րդ տեղ։ «Մանչեսթեր Յունայթեդը» 7 միավորով 16-րդն է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Աշրաֆ Հակիմի անհավատակի բենեֆիսն ու ՊՍԺ-ի ջախջախիչ հաղթանակը 🎥
Ֆրանսիայի Լիգա 1-ի 9-րդ տուրում գործող չեմպիոն ՊՍԺ-ն հյուրընկալվելիս 5:1 հաշվով ջախջախեց «Հավրին»։
Փարիզյան գրանդից անհավանական հանդիպում անցկացրեց Աշրաֆ Հակիմին, որը գրանցեց հեթ-տրիկ ու երկու ասիստ։
Լուիս Էնրիկեի գլխավորած թիմից մեկական գոլ խփեցին նաև Միկա Գոդթսն ու Սենի Մայուլուն։ «Հավրից» աչքի ընկավ Ջոշ Մաջան` բացելով հանդիպման հաշիվը։
ՊՍԺ-ն 20 միավորով առաջինն է, «Հավրը»` 2 միավորով վերջինը` 18-րդը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Ռոնալդուի սուպեր բենեֆիսն ու «Ալ Նասրի» հաղթանակը գերգոլառատ խաղում 🎥
Սաուդյան Արաբիայի Պրո լիգայի 12-րդ տուրում «Ալ Նասրը» սեփական խաղում 5:3 հաշվով հաղթեց «Ալ Խոլուդին»։
Տանտերերից փայլեց «Ոսկե գնդակի» 5-ակի դառնեկիր Կրիշտիանու Ռոնալդուն` գրանցելով հեթ-տրիկ։
Լեգենդար հարձակվողը կարիերայում խփած գոլերի քանակը հասցրեց 985-ի։
«Ալ Նասրից» մեկական անգամ աչքի ընկան նաև Անժելոն ու Սադիո Մանեն։ Հյուրերից դուբլ ձևակերպեց Ժուլյեն Դոմինգեշը, գոլ խփեց նաև Լոյիկ Էսոմբան։
«Ալ Նասրը» 28 միավորով երկրորդն է, «Ալ Խոլուդը»` 12 միավորով 10-րդ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Գերմանիայի գավաթ. «Բավարիան» ջախջախիչ հաղթանակով 1/8 եզրափակիչ է դուրս եկել 🎥
Գերմանիայի գավաթի խաղարկության 1/16 եզրափակիչում «Բավարիան» Մյունխենի «Ալիանց Արենա» ստադիոնում 6:1 հաշվով ջախջախել է Երկրորդ Բունդեսլիգան ներկայացնող «Մագդեբուրգին»։
«Ռեկորդ Մայսթերից» նորից փայլել է Մայքլ Օլիսեն` գրանցելով երկու գոլ ու մեկ ասիստ։
Մյունխենյան գրանդից մեկական գոլ էլ խփել են Իսմայիլ Սայբարին, Ալֆոնսո Դեյվիսը, Նաթանիել Բրաունն ու Դավիդ Դայբերը։ Հյուրերից աչքի է ընկել Մատեուշ Ժուկովսկին։
Այսպիսով, «Բավարիան» 1/8 եզրափակիչում է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Լիգայի գավաթ. «Ման. Սիթին» մեծ դժվարությամբ հաղթահարեց «Բրայթոնի» արգելքը 🎥
Անգլիայի Լիգայի գավաթի խաղարկության 1/8 եզրափակիչում «Մանչեսթեր Սիթին» սեփական դաշտում հետխաղյա 11-մետրանոնցներով հաղթեց «Բրայթոնին»։
Հանդիպման հիմնական ժամանակն ավարտվեց 2:2 հաշվով։ «Ճայերը» Մալիկ Յալկույեի ու Ժորժինյո Ռատերի գոլերի շնորհիվ երկու անգամ առաջ էին հաշվի մեջ, բայց «Քաղաքաբնակները» կարողացան խուսափել պարտությունից. «Բրայթոնի» դարպասը գրավեցին Մատեո Կովաչիչն ու Վիտոր Ռեյսը։
Էնցո Մարեսկայի գլխավորած թիմը մրցակցին 11-մետրանոցներով հաղթեց 4:3 հաշվով։
«Սիթիի» դարպասապահ Խերոնիմո Ռուլին հետ մղեց հյուրերի ֆուտբոլիստներ Յասին Այարիի ու Լյուիս Դանքի հարվածները։
Արգենտինացի դարպասապահը հիմնական ժամանակում էլ 4 սեյվ կատարեց։
Այսպիսով, մանկունիական գրանդը դուրս եկավ մրցաշարի քառորդ եզրափակիչ, որտեղ դեկտեմբերի 14-ին կմրցի երրորդ լիգան ներկայացնող «Բրեդֆորդ Սիթիի» դեմ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Լիգայի գավաթ. «Արսենալը» սենսացիոն պարտություն կրեց` ավարտելով մրցելույթը 🎥
Անգլիայի Լիգայի գավաթի խաղարկության 1/8 եզրափակիչում «Արսենալը» մրցակցի դաշտում հետխաղյա 11-մետրանոցներով սենսացիոն պարտություն կրեց երկրի 4-րդ դիվիզիոնը ներկայացնող «Ֆլիթվուդ Թաունից»։
Խաղի հաշիվը 21-րդ րոպեին տանտերերից բացեց Արոն Լուպալո-Բին։ «Զինագործների» պատասխան գոլը 50-րդ րոպեին խփեց Վիկտոր Դյոկերեշը։
«Ֆլիթվուդը» 11-մետրանոցներով առավելության հասավ 5:3 հաշվով։ Վճռորոշ եղավ Անգլիայի գործող չեմպիոնի կիսապաշտպան Բրունո Գիմարայեսի վրիպումը, որի հարվածը հետ մղեց մրցակցի դարպասապահ Ջեյ Լինչը։
33-ամյա դարպասապահը հանդիպման հիմնական ժամանակում էլ 7 սեյվ էր կատարել` դառնալով հանդիպման հերոս։
Այսպիսով, «Արսենալն» ավարտեց պայքարը, իսկ «Ֆիլթվուդը» դուրս եկավ մրցաշարի քառորդ եզրափակիչ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Քեյն. «Լռելյայն աշխատի՛ր, թո՛ղ հաջողությունդ աղմկի քո փոխարեն»
«Բավարիայի» ու Անգլիայի ազգային հավաքականի հարձակվող Հարի Քեյնը «Ոսկե գնդակի» դափնեկիր դառնալուց հետո X-ի իր միկրոբլոգում հրապարակում է արել` գրելով.
«Լռելյայն աշխատի՛ր, թո՛ղ հաջողությունդ աղմկի քո փոխարեն»։
33-ամյա ֆուտբոլիստը կարիերայում առաջին անգամ է արժանացել անհատական ամենահեղինակավոր մրցանակին։ Նա 2025/26 մրցաշրջանում բոլոր մրցաշարերի 65 խաղում խփել է 73 գոլ, կատարել 8 ասիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Ոսկե գնդակ». 2-10-րդ տեղերը զբաղեցրած ֆուտբոլիստները 📸
«Ոսկե գնդակի» պաշտոնական կայքում հրապարակվել են քվեարկության արդյունքում 2-10-րդ տեղերը զբաղեցրած ֆուտբոլիստների ցանկը։
2. Կիլիան Մբապե («Ռեալ Մադրիդ», Ֆրանսիա)
3. Լամին Յամալ («Բարսելոնա», Իսպանիա)
4. Ռոդրի (««Բարսելոնա», Իսպանիա)
5. Լիոնել Մեսի («Ինտեր Մայամի», Արգենտինա)
6. Խվիչա Կվարացխելիա (ՊՍԺ, Վրաստան)
7. Ուսման Դեմբելե (ՊՍԺ, Ֆրանսիա)
8. Էռլինգ Հոլանդ («Մանչեսթեր Սիթի», Նորվեգիա)
9. Մայքլ Օլիսե («Բավարիա», Ֆրանսիա)
10. Ֆաբիան Ռուիս (ՊՍԺ, Իսպանիա)
Հիշեցնենք, որ անհատական ամենահեղինակավոր մրցանակին կարիերայում առաջին անգամ արժանացել է «Բավարիայի» ու Անգլիայի ազգային հավաքականի հարձակվող Հարի Քեյնը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
© Interfootball.am 2026