Պաշտոնական. Ռոդրին` «Բարսելոնայի» ֆուտբոլիստ 📸

«Մանչեսթեր Սիթիի» կիսապաշտպան Ռոդրին տեղափոխվել է «Բարսելոնա», հայտնում է կատալոնական գրանդի պաշտոնական կայքը։

Կողմերը պայմանագիր են ստորագրել, որը կգործի մինչև 2030թ. հուլիսի 1-ը։

Transfermarkt-ի տվյալներով` «Բլաուգրանան» 30-ամյա կիսապաշտպանի տրանսֆերը գնել է 60 միլիոն եվրոյով։

Ինսայդեր Ֆաբրիցիո Ռոմանոն հաստատում է, որ «Մանչեսթեր Սիթին» հետագայում կարող է ևս 15 միլիոն եվրո էլ բոնուս ստանալ։

«Ոսկե գնդակի» 2024թ. դափնեկիրը մանկունիական գրանդում հանդես էր գալիս 2019թ. օգոստոսից, 298 խաղում գրանցել է 28 գոլ ու 32 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

Պաշտոնական. Լեգենդար ֆուտբոլիստը գլխավորեց Սենեգալի հավաքականը 📸

Պատրիկ Վիեյրան նշանակվել է Սենեգալի ազգային հավաքականի գլխավոր մարզիչ, հայտնում է «Տերանգայի առյուծների» մամուլի ծառայությունը։

Կողմերը պայմանագիր են կնքել, որի մանրամասները չեն հաղորդվում։

50-ամյա մասնագետը նախկինում մարզել է «Ստրասբուրգը», «Ջենովան», «Քրիստալ Փելասը», «Նիցան» և այլ ակումբներ։ Նա Սենեգալի հավաքականում փոխարինել է Պապ Թիավին։

Վիեյրան առավել հայտնի է ֆուտբոլային կարիերայի ընթացքում «Միլանում», «Արսենալում», «Յուվենտուսում» և «Մանչեսթեր Սիթիում» ունեցած մրցելույթների շնորհիվ։

Լեգենդար ֆուտբոլիստը Ֆրանսիայի հավաքականի կազմում դարձել է աշխարհի ու Եվրոպայի չեմպիոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

Ռոդրի. ««Բարսելոնա»» տեղափոխվելը երազանք էր» 🎥

Ռոդրին Բարսելոնա ժամանելուց հետո կարճ զրույց է ունեցել լրագրողների հետ, հայտնում է ինսայդեր Ֆաբրիցիո Ռոմանոն։

«Շատ ուրախ եմ, որ այստեղ եմ։ Լարված օրեր էին, բայց շատ երջանիկ եմ, որ ամեն ինչ հարթվեց։ Ուրախ եմ ձեզ հետ ծանոթանալու համար։

Ինձ համար «Բարսելոնա» տեղափոխվելը երազանք էր։ Ցանկանում եմ որքան հնարավոր է շուտ հանդիպել թիմակիցներիս, որոնցից շատերին արդեն ծանոթ եմ։

Այժմ ժամանակն է եկել ներդնել բոլոր ուժերը` Չեմպիոնների լիգան ու մյուս բոլոր մրցաշարերը հաղթելու համար»,- ասել է իսպանացի ֆուտբոլիստը։

«Մանչեսթեր Սիթիի» ֆուտբոլիստը 60 միլիոն եվրոյով կտեղափոխվի «Բարսելոնա»։ Մանկունիական գրանդը հետագայում ևս 16 միլիոն եվրո էլ կարող է բոնուս ստանալ։

30-ամյա ֆուտբոլիստն արդեն պայմանագիր է ստորագրել «Բլաուգրանայի» հետ, որը կգործի մինչև 2030թ. հուլիսի 1-ը։

Իսպանիայի հավաքականի ավագը «Սիթիում» հանդես էր գալիս 2019թ. հուլիսից, 298 խաղում խփել է 28 գոլ, կատարել 32 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

«Ման. Սիթին» մոտ է 100 միլիոնով տրանսֆեր իրականացնելուն 📸

«Լիլի» կիսապաշտպան Այուբ Բուադին կտեղափոխվի «Մանչեսթեր Սիթի», հայտնում է ինսայդեր Նիկոլո Սկիրան։

Ակումբներն ամբողջական համաձայնության են հասել. «Քաղաքաբնակները» մարոկկացի ֆուտբոլիստի տեղափոխության համար կվճարեն 100 միլիոն եվրո։

Կողմերը պայմանագիր կստորագրեն, որը կսպառվի 2031թ. հուլիսի 1-ին։

18-ամյա ֆուտբոլիստը ֆրանսիական ակումբի համակարգում է 2021թ. հուլիսից, որի հիմնական թիմում 96 խաղում 4 գոլային փոխանցում է կատարել։

Բուադին 2026թ. մայիսից հրավիրվում է Մարոկկոյի ազգային հավաքական, որի կազմում վերջերս մասնակցեց աշխարհի առաջնությանը։ Նա մրցաշարում անցկացրեց 5 հանդիպում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBm

Here we go! Ռոդրին կտեղափոխվի «Բարսելոնա» 📸

«Բարսելոնան» ձեռք կբերի «Մանչեսթեր Սիթիի» կիսապաշտպան Ռոդրիին, հայտնում է ինսայդեր Ֆաբրիցիո Ռոմանոն։

Ակումբերն ամբողջական համաձայնության են հասել տրանսֆերի հարցում։

30-ամյա ֆուտբոլիստը «Բլաուգրանայի» հետ պայմանագիր կստորագրի, որը կգործի մինչև 2030թ. հուլիսի 1-ը։

Լրագրող Դեյվիդ Օրնշտեյնի տվյալներով` կատալոնական գրանդը «Ոսկե գնդակի» 2024թ. դափնեկրի տեղափոխության համար «Քաղաքաբնակներին», բոնուսները ներառյալ, կվճարի ընդհանուր 76,5 միլիոն եվրո։

Ռոդրին «Մանչեսթեր Սիթիում» հանդես էր գալիս 2019թ. հուլիսից, 298 խաղում գրանցել է 28 գոլ ու 32 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

«Ռեալը» շանս տվեց «Շալկեին»` հաղթելով խոշոր հաշվով 🎥

Մադրիդի «Ռեալն» ընկերական խաղում 3:0 հաշվով վստահ հաղթանակ տարավ «Շալկե 04»-ի նկատմամբ։

«Արքայական ակումբի» գոլերը խփեցին Կիլիան Մբապեն, Դին Հաուսենն ու Կառլոս Էսպին։

Այս խաղով «Լոս Բլանկոսն» ավարտեց նախամրցաշրջանային պատրաստությունը։

Ժոզե Մոուրինիոյի գլխավորած թիմը հաջորդ հանդիպումը կանցկացնի արդեն Իսպանիայի Լա լիգայի շրջանակում` 2026/27 մրցաշրջանի երկրորդ տուրում մրցելով «Էսպանյոլի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

«Բարսելոնան» խոշոր հաշվով հաղթեց «Բազելին» 🎥

«Բարսելոնան» նախամրցաշրջանային պատրաստության նախավերջին ընկերական խաղում 5:2 հաշվով հաղթեց «Բազելին»։

«Բլաուգրանայից» դուբլ գրանցեց թիմի նորեկ Ջեսի Բիսիվուն, որն անդրանիկ գոլերը խփեց կատալոնական գրանդում։

Իսպանիայի չեմպիոնից մեկական գոլ խփեցին Կարիմ Ադեյեմին, Համզա Աբդելկարիմն ու Լամին Յամալը։

Շվեյցարական ակումբից աչքի ընկան Ժան Դուկուրեն ու Կազիմ Օլայգբեն։

Հանսի Ֆլիկի գլխավորած թիմը վերջին ընկերական խաղում օգոստոսի 19-ին կմրցի Կահիրեի «Ալ Ահլիի» (Եգիպտոս) դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

«Արսենալը» խոշոր հաշվով հաղթեց «Ման. Սիթին»` նվաճելով Անգլիայի Սուպերգավաթը 🎥

«Արսենալը» պատմության մեջ 18-րդ անգամ դարձավ Անգլիայի Սուպերգավաթակիր։

Անգլիայի չեմպիոնը տիտղոսային խաղում 3:0 հաշվով հաղթեց գործող գավաթակիր «Մանչեսթեր Սիթիին»։

«Զինագործներից» հաշիվն արդեն 25-րդ վայրկյանին բացեց Ռիկարդո Կալաֆյորին։ Միկել Արտետայի գլխավորած թիմից մեկական գոլ էլ խփեցին Կայ Հավերցն ու Մարտին Էդեգորը։

Լոնդոնյան գրանդից երկու ասիստ գրանցեց թիմի նորեկ Խրիստոս Ցոլիսը։ Հույն վինգերը վերջերս է 40 միլիոն եվրոյով «Բրյուգեից» տեղափոխվել «Արսենալ»։

«Արսենալը» Սուպերգավաթի տիտղոսների քանակով երկրորդ լավագույն ցուցանիշն ունի։ Ռեկորդակը «Մանչեսթեր Յունայթեդն» է, որը 21 անգամ է նվաճել տիտղոսը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

Ակումբային ֆուտբոլի լավագույն մարզիչները` ըստ ESPN-ի

Հեղինակավոր ESPN պարբերականը ներկայացրել է իր վարկածով ակումբային ֆուտբոլի լավագույն մարզիչներին։

Ցանկում ներառված 30 մարզիչները նվազագույնը մեկ տարի է արդեն զբաղեցնում են պաշտոնը։ Այն մարզիչները, որոնք մեկ տարուց ավելի է աշխատանք չունեն, դուրս են մնացել ցանկից։

Ակումբային ֆուտբոլի լավագույն մարզիչները` ըստ ESPN-ի

1. Լուիս Էնրիկե (ՊՍԺ)
2. Պեպ Գվարդիոլա (առանց աշխատանքի, նախկին ակումբը` «Ման. Սիթի»)
3. Միկել Արտետա («Արսենալ»)
4. Հանսի Ֆլիկ («Բարսելոնա»)
5. Ունայի Էմերի («Ասթոն Վիլա»)
6. Ջան Պիերո Գասպերինի («Ռոմա»)
7. Չաբի Ալոնսո («Չելսի»)
8. Առնե Սլոթ (առանց աշխատանքի, նախորդ ակումբը` «Լիվերպուլ»)
9. Վենսան Կոմպանի («Բավարիա»)
10. Քրիստիան Կիվու («Ինտեր»)
11. Օլիվեր Գլասներ («Նոթինգհեմ Ֆորեսթ»)
12. Անդոնի Իռաոլա («Լիվերպուլ»)
13. Անտոնիո Կոնտե (առանց աշխատանքի, նախորդ ակումբը` «Նապոլի»)
14. Էնցո Մարեսկա («Մանչեսթեր Սիթի»)
15. Սեսկ Ֆաբրեգաս («Կոմո»)
16. Ֆաբիան Հյուրցելեր («Բրայթոն»)
17. Էռնեստո Վալվերդե (առանց աշխատանքի, նախորդ ակումբը` «Ատլետիկ Բիլբաո»)
18. Դիեգո Սիմեոնե («Ատլետիկո Մադրիդ»)
19. Սեբասյան Հյոնես («Շտուտգարտ»)
20. Էդի Հաու (առանց աշխատանքի, նախորդ ակումբը` «Նյուքասլ»)
21. Մայքլ Կարիկ («Մանչեսթեր Յունայթեդ»)
22. Ֆրանչեսկո Ֆարիոլի («Պորտու»)
23. Նիկո Կովաչ («Բորուսիա Դորտմունդ»)
24. Ժոզե Մոուրինիո («Ռեալ Մադրիդ»)
25. Մարսելինո (առանց աշխատանքի, նախորդ ակումբը` «Վիլյառեալ»)
26. Ռոբերտո Դե Ձերբի («Տոտենհեմ»)
27. Պաուլու Ֆոնսեկա («Լիան»)
28. Պիեռ Սաժ («Քրիստալ Փելաս»)
29. Ռեժիս Լե Բրիս («Սանդեռլենդ»)
30. Ռոման Ամորիմ («Միլան»)

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml