Վերլուծություն
Մրցաշարային աղյուսակներ
Նիդերլանդների Էրեդիվիզիայում 9:0 հաշվով հաղթանակ է գրանցվել 📸
Նիդերլանդների Էրեդիվիզիայի 11-րդ տուրում «Տվենտեն» մրցակցի դաշտում 9:0 հաշվով ջախջախել է «Էսելսիորին»։
Էնսխեդե քաղաքը ներկայացող ակումբից պոկեր է գրանցել Նիդերլանդների ազգային հավաքականի հարձակվող Վաութ Վեգորսթը, Դան Ռոթսը երկու գոլ է խփել, մեկական անգամ աչքի են ընկել Թոմաս վան դեն Բելթն ու Յորդի Բավուան։
«Տվենտեի» վինգեր Սոնդրե Էրյասեթերն ասիստների պենտա-տրիկ է ձևակերպել` կատարելով 5 գոլային փոխանցում։
«Էքսելսիորը» 5-րդ րոպեից` Նեստո Գրոենի հեռացումից հետո, խաղում էր 10 ֆուտբոլիստով ու բոլոր գոլերը բաց է թողել կարմիր քարտից հետո։
«Տվենտեն» կրկնել է ակումբի պատմության մեջ ամենախոշոր հաշվով հաղթանակը։ Ակումբը նախկինում ևս երկու անգամ մրցակցիներին հաղթել էր 9:0 հաշվով` առավելության հասնելով «Էմենի» (1994թ.) և «Ուրկի» (1999թ.) նկատմամբ։
«Տվենտեն» 23 միավորով 4-րդ տեղում է, «Էքսելսիորը»` 11 միավորով 15-րդ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Ռեալը» շարունակում է հիացնել` խոշոր հաշվով հաղթելով «Ռասինգին» 🎥
Իսպանիայի Լա լիգայի 11-րդ տուրում Մադրիդի «Ռեալը» մրցակցի դաշտում 3:0 հաշվով հաղթեց «Ռասինգին»։
«Արքայական ակումբից» մեկական գոլ խփեցին Կիլիան Մբապեն, Ջուդ Բելինգհեմն ու Յան Դիոմանդեն։
Ժոզե Մոուրինիոյի գլխավորած թիմը բոլոր մրցաշարերում տարավ 6-րդ անընդմեջ հաղթանակը։
Մադրիդյան գրանդը 27 միավորով 3-րդն է, «Ռասինգը»` 11 միավորով 16-րդը։
Գոլերը` այստեղ
«Լայպցիգը» հավելյալ գումար կստանա «Ռեալից», եթե Դիոմանդեն դառնա «Ոսկե գնդակի» դափնեկիր 📸
Մադրիդի «Ռեալի» ու «Լայպցիգի» միջև պայմանագրային հատուկ կետ կա Յան Դիոմանդեի տրանսֆերի վերաբերյալ, հայտնում է ինսայդեր Ֆաբրիցիո Ռոմանոն։
Եթե կոտդիվուարցի վինգերը «Արքայական ակումբի» կազմում դառնա «Ոսկե գնդակի» դափնեկիր, «Ցլերը» մադրիդյան գրանդից կստանան հավելյալ 2,5 միլիոն եվրո։
Հիշեցնենք, որ 19-ամյա եզրայինը նախորդ ամռանն է 125 միլիոն եվրոյով «Լայպցիգից» տեղափոխվել «Ռեալ»։ Նա իսպանական ակումբում բոլոր մրցաշարերի 13 խաղում գրանցել է 3 գոլ ու 4 ասիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Տպավորիչ ցուցանիշ, որով Ֆլիկը գերազանցել է Գվարդիոլային, բայց զիջում է Էնրիկեին
«Բարսելոնան» Իսպանիայի Լա լիգայի 11-րդ տուրում «Ալավեսի» նկատմամբ առավելության հասնելուց (6:1) հետո Հանսի Ֆլիկի գլխավորությամբ տարել է 100-րդ հաղթանակը, հայտնում է DAZN-ը։
Գերմանացի մասնագետը «Բլաուգրանայի» պատմության մեջ երկրորդ ամենաարագը նման ցուցանիշի հասած մարզիչն է։ Կատալոնական գրանդը Ֆլիկի գլխավորությամբ անցկացրել է 131 հանդիպում։
«Կատպանռնագույնների» ղեկին ամենաարագը 100 հաղթանակի հասել է միայն Լուիս Էնրիկեն, որին այդ ցուցանիշին հասնելու համար անհրաժեշտ է եղել 129 հանդիպում։
Հանսի Ֆլիկն այդ ցուցանիշով գերազնացել է Պեպ Գվարդիոլային։ «Բարսան» Գվարդիոլայի օրոք 100 հաղթանակ տարել է 139-րդ խաղում։
«Բարսելոնան» Ֆլիկի գլխավորությամբ 131 խաղում գրանցել է նաև 10 ոչ-ոքի, կրել 21 պարտություն։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Արգենտինայի հավաքականի նախկին ֆուտբոլիստի` շրջադարձ հարվածով խփած անզուգական գոլը 🎥
Մեքսիկայի առաջնության Ապերտուրայի 15-րդ տուրում «Մոնտերեյը» սեփական դաշտում գոլառատ ոչ-ոքի (3:3) է գրանցել «Տիխուանայի» հետ։
Տանտերերից 57-րդ րոպեին շրջադարձ հարվածով անզուգական գոլ է խփել Լուկաս Օկամպոսը` հաշիվը դարձնելով 3:2։
Արգենտինացի վինգերն ընթացիկ առաջնությունում աչքի է ընկել 7-րդ անգամ։
32-ամյա ֆուտբոլիստն առվել հայտնի է «Սևիլիայում» հանդես գալու ժամանակահատվածից, որի կազմում 208 խաղում խփել է 44 գոլ, կատարել 22 գոլային փոխանցում, երկու անգամ դարձել Եվրոպա լիգայի հաղթող։
Օկամպոսը 2019-23թթ. հրավիրվել է Արգենտինայի ազգային հավաքական` 12 խաղում գրանցելով 2 գոլ ու 1 ասիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Բարսան» չխնայեց «Ալավեսին»` ջախջախելով թենիսին բնորոշ հաշվով 🎥
Իսպանիայի Լա լիգայի 11-րդ տուրում «Բարսելոնան» սեփական դաշտում 6:1 հաշվով ջախջախեց «Ալավեսին»։
«Բլաուգրանայից» դուբլ գրանցեցին Ռաֆինյան ու Լամին Յամալը, մեկական անգամ աչքի ընկան նաև Ֆերմին Լոպեսն ու Էնթոնի Գորդոնը։ Հյուրերի հեղինակության գնդակը խփեց Մարիանո Դիասը։
Հանսի Ֆլիկի գլխավորած թիմը 30 միավորով առաջին տեղում է։ «Ալավեսը» 12 միավոր ունի և 10-րդն է։
Գոլերը` այստեղ
Իտալական կրքեր «Սան Սիրոյում». «Միլանը» դերբիում հաղթեց «Ինտերին» 🎥
Իտալիայի Ա սերիայի 10-րդ տուրում «Միլանը» «Սան Սիրո» ստադիոնում համաքաղաքային դերբիում 3:1 հաշվով հաղթեց «Ինտերին»։
«Ռոսոներիից» փայլեց թիմի նորեկ Դիեգո Մորեյրան` գրանցելով մեկ գոլ ու երկու ասիստ։ Բելգացի ֆուտբոլիստն օգնեց աչքի ընկնել Քրիստիան Պուլիշիչին ու Ադրիեն Ռաբիոյին, իսկ իր գոլը խփեց տուգանայինից կատարած ֆանտաստիկ հարվածով։
«Ինտերից» մրցակցի դարպասը գրավեց Ալեսանդրո Բաստոնին։
«Միլանից» հիասքանչ հանդիպում անցկացրեց նաև թիմի ավագ Մայք Մենյանը։ Ֆրանսիացի դարպասապահը կատարեց 7 սեյվ։
Այս խաղով ընդհատվեց Ա սերիայում «Ինտերի»` 19 խաղից բաղկացած անպարտելիության շարքը։ «Ներաձուրին» ներքին առաջնությունում նախորդ պարտությունը ևս կրել էր «Միլանից»` նախորդ մրցաշրջանի 28-րդ տուրում զիջելով 0:1 հաշվով։
«Ինտերը» 25 միավորով երկրորդ տեղում է։ «Միլանը» 21 միավորով 4-րդ տեղ բարձրացավ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Բորուսիան» Der Klassiker-ում դրամատիկ ոչ-ոքի կորզեց «Բավարիայից» 🎥
Գերմանիայի Բունդեսլիգայի 8-րդ տուրում կայացած հերթական Der Klassiker-ում «Բավարիան» ու Դորտմունդի «Բորուսիան» Մյունխենում գոլառատ ոչ-ոքի (2:2) գրանցեցին։
«Ռեկորդ մայսթերը» երկու անգամ առաջ էր հաշվի մեջ, բայց խաղավերջում բաց թողեց հաղթանակը։
34-րդ րոպեին հյուրերը Ջոբ Բելինգհեմի ջանքերով բացեցին հաշիվը, բայց խաղից դուրս իրավիճակի պատճառով անգլիացի կիսապաշտպանի գոլը չեղարկվեց։
Ընդամենը չորս րոպե անց մյունխենյան գրանդն առաջ անցավ հաշվի մեջ. աչքի ընկավ Կոնրադ Լայմերը։
56-րդ րոպեին Հարի Քեյնը կարող էր կրկնապատկել «Բավարիայի» առավելությունը, բայց «Ոսկե գնդակի» նորընծա դափնեկրի իրացրած 11-մետրանոցից հետո գնդակը դիպավ դարպասաձողին։
60-րդ րոպեին Սերու Գիրասին խփեց «Բորուսիայի» պատասխան գոլը, բայց 66-ին Դայո Ուպամեկանոն նորից առաջ մղեց տանտերերին։
Թվում էր, թե մյունխենյան գրանդը կհաղթի, բայց 89-րդ րոպեին Ֆաբիու Սիլվան ոչ-ոքի կորզեց «Իշամեղուների» համար։
«Բավարիան» 18 միավորով առաջին տեղում է, «Բորուսիան»` նույնքան միավորով երկրորդ։
Գոլերը` այստեղ
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Չելսին» վստահ խաղով հաղթեց 10 ֆուտբոլիստով մնացած «Ման. Յունայթեդին» 🎥
Անգլիայի Պրեմիեր 9-րդ տուրի կենտրոնական խաղերից մեկում «Չելսին» Լոնդոնի «Սթեմֆորդ Բրիջ» ստադիոնում 2:0 հաշվով հաղթեց «Մանչեսթեր Յունայթեդին»։
«Ազնվականների» հաղթական գոլերը 50-րդ ու 64-րդ րոպեներին խփեցին համապատասխանաբար Մորգան Ռոջերսն ու Քոուլ Պալմերը։
«Կարմիր սատանաները» 63-րդ րոպեից` Լիսանդրո Մարտինեսի հեռացումից հետո, խաղում էին 10 ֆուտբոլիստով։
Մանկունիական ակումբը չի հաղթում արդեն բոլոր մրցաշարերի 9-րդ խաղում անընդմեջ Մայքլ Կարիկի գլխավորած թիմն այդ ընթացքում կրել է 6 պարտություն։ «Յունայթեդը» նախորդ հաղթանակը տարել է սեպտեմբերի 10-ին` Չեմպիոնների լիգայի Լիգայի փուլում առավելության հասնելով ադրբեջանական «Սաբահի» նկատմամբ։
«Չելսին» հաղթանակից հետո 16 միավորով բարձրացավ 4-րդ տեղ։ «Մանչեսթեր Յունայթեդը» 7 միավորով 16-րդն է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
© Interfootball.am 2026