Վերլուծություն
Մրցաշարային աղյուսակներ
Եվրո-2028. Հայաստանի հավաքականի զամբյուղը որակավորման փուլի վիճակահանության ժամանակ 📸
Հայաստանի ազգային հավաքականը Եվրո-2028-ի որակավորման փուլի ժամանակ կլինի չորրորդ զամբյուղում, հայտնում է Football Meets Data հայտնի վիճակագրական ընկերությունը։
Զամբյուները կունենան հետևյալ տեսքը.
Առաջին զամբյուղ` Իսպանիա, Պորտուգալիա, Նիդերլանդներ, Անգլիա, Ֆրանսիա, Իտալիա, Դանիա, Գերմանիա, Հունաստան, Նորվեգիա, Խորվաթիա։
Երկրորդ զամբյուղ` Չեխիա, Ուելս, Սերբիա, Թուրքիա, Շվեյցարիա, Շվեդիա, Ավստրիա, Հյուսիսային Իռլանդիա, Հունգարիա, Բոսնիա և Հերցեգովինա, Սլովենիա, Կոսովո։
Երրորդ զամբյուղ` Իռլանդիա, Շոտլանդիա, Ուկրաինա, Լեհաստան, Իսրայել, Ռումինիա, Վրաստան, Հյուսիսային Մակեդոնիա, Չեռնոգորիա, Սլովակիա, Իսլանդիա, Ալբանիա։
Չորրորդ զամբյուղ` Բելառուս, Էստոնիա, Կիպրոս, Ֆինլանդիա, Մոլդովա, Ֆարերյան կղզիներ, Հայաստան, Բուլղարիա, Լյուքսեմբուրգ, Ղազախստան, Լատվիա, Սան Մարինո։
Հինգերորդ զամբյուղ` Մալթա, Ադրբեջան, Լիտվա, Անդորրա, Ջիբրալթար, Լիխտենշտեյն։
Ազգերի լիգայի խաղարկության վերջին հանդիպումներից հետո կարող են փոխվել միայն Խորվաթիայի, Չեխիայի, Սլովենիայի, Կոսովոյի, Իռլանդիայի, Շոտլանդիայի, Իսլանդիայի, Ալբանիայի, Էստոնիայի և Բելառուսի հավաքականների զամբյուղները։ Մյուս բոլոր հավաքականների զամբյուղներն արդեն հաստատված են։
Վիճակահանության ժամանակ կձևավորվի 12 խումբ, որոնցից 6-ը բաղկացած կլինի 5 հավաքականից, իսկ մյուս 6-ը` 5։
Խմբերում առաջին տեղը գրաված հավաքականները կնվաճեն Եվրոպայի առաջնության ուղեգիր։ Երկրորդ տեղը զբաղեցրած 12, ինչպես նաև Ազգերի լիգայի խաղարկության` ամենաբարձր վարկանիշ ունեցող 4 հավաքականները, որոնք չեն կարողացել միանգամից նվաճել Եվրոյի ուղեգիր, կմասնակցեն անցումային փլեյ-օֆֆ-ի։
Ուղեգիր կստանան նաև Եվրոպայի առաջնությունն ընդունող չորս երկրներից ամենաբարձր վարկանիշ ունեցողներից երկուսը։ Մրցաշարը կկայանա Անգլիայում, Իռլանդիայում, Շոտլանդիայում և Ուելսում։
Եվրո-2028-ի որակավորման փուլի վիճակահանությունը տեղի կունենա դեկտեմբերի 6-ին, մեկնարկը` Երևանի ժամանակով 21:00-ին։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
46-ամյա Ռոնալդինյոյի գնդակի ֆանտաստիկ կասեցումը մարզման ժամանակ 🎥
Լեգենդար կիսապաշտպան Ռոնալդինյոն սոցցանցերում տեսանյութ է հրապարակել` ցույց տալով մարզման ժամանակ գնդակի` իր ֆանտաստիկ կասեցումը։
«Շատերը կասեն, թե սա արհեստական բանակություն է։ Ես Ռավեննայում եմ»,- գրել է 46-ամյա ֆուտբոլիստը։
Բրազիլացի կիսապաշտպանն այս տարվա հուլիսին պայմանագիր է ստորագրել Իտալիայի երրորդ լիգան` Սերիա C-ն ներկայացնող «Ռավեննայի» հետ ու պատրաստվում է շուտով նորամուտը նշել ակումբում։ Նա 11 տարի անց կվերսկսի պրոֆեսիոնալ կարիերան։
«Ռավեննան» Սերիա C-ի B խմբում է ու 13 խաղում 29 միավոր է վաստակել` զբաղեցնելով երկրորդ տեղը։
Ռոնալդինյոն առավել հայտնի է «Բարսելոնայում» ունեցած մրցելույթների ժամանակահատվածից (2003-08թթ.), որի կազմում 207 խաղում խփել է 94 գոլ, կատարել 71 ասիստ, դարձել Չեմպիոնների լիգայի հաղթող, Իսպանիայի կրկնակի չեմպիոն, երկու անգամ էլ նվաճել երկրի գավաթը։
Ռոնին խաղացել է նաև «Միլանում», ՊՍԺ-ում, բրազիլական «Ատլետիկո Մինեյրոյում», «Գրեմիոյում», «Ֆլամենգոյում», «Ֆլումինենսեում» ու մեքսիկական «Կերետարոյում»։
Լեգենդար ֆուտբոլիստը ևս 33 գոլ ու 29 ասիստ գրանցել է Բրազիլիայի հավաքականում։ Նա ազգային թիմի հետ դարձել է աշխարհի չեմպիոն (2002թ.), Ամերիկայի գավաթակիր (1999թ.) և Կոնֆեդերացիաների գավաթակիր (2005թ.)։
Ֆուտբոլիստը 2005թ. դարձել է «Ոսկե գնդակի» դափնեկիր, իսկ 2006թ. ՖԻՖԱ-ի կողմից ճանաչվել է աշխարհի լավագույն ֆուտբոլիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Պորտուգալիան կատրայալ ֆիասկոյի ենթարկվեց` խոշոր հաշվով պարտվելով Դանիային 🎥
Ազգերի լիգայի խաղարկության A դիվիզիոնի չորրորդ խմբի 5-րդ տուրում Պորտուգալիայի հավաքականը Բրագայում 1:4 հաշվով սենսացիոն պարտություն կրեց Դանիայի թիմից։
Սկանդինավյան հավաքականից դուբլ գրանցեց Ռասմուս Հոյլունը, գոլ խփեցին նաև Պիեռ-Էմիլ Հոյբերգն ու Յոակիմ Անդերսենը։ Պորտուգալացիների հեղինակության գնդակը գրանցեց Բեռնարդու Սիլվան։
Այս խմբում կայացել է ևս մեկ հանդիպում.
Չորրորդ խմբի մրցաշարային աղյուսակն այժմ ունի հետևյալ տեսքը.
- Պորտուգալիա – 12 միավոր
- Դանիա – 9
- Նորվեգիա – 6
- Ուելս – 3
Վերջին` 6-րդ տուրում կկայանան Դանիա – Նորվեգիա և Ուելս – Պորտուգալիա հանդիպումները։
Պորտուգալիայի հավաքականն ապահովել է տեղը մրցաշարի քառորդ եզրափակիչում։ Երկրորդ ուղեգիրը կխաղարկեն Դանիան ու Նորվեգիան։ Կոպենհագենում նոյեմբերի 17-ին կայանալիք խաղում տանտերերին երկրորդ տեղը զբաղեցնելու համար բավարար կլինի նաև ոչ-ոքին, իսկ Նորվեգիան պայքարը շարունակելու համար պետք է միայն հաղթանակ տանի։
Պորտուգալիա – Դանիա հանդիպման գոլերը` այստեղ
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Հոլանդը կրկնել է Գերդ Մյուլերի 52 տարվա վաղեմության տպավորիչ ցուցանիշը 🎥
Ուելսի թիմի դեմ Ազգերի լիգայի A դիվիզիոնի չորրորդ խմբի 5-րդ տուրի խաղում Նորվեգիայի հավաքականի հարձակվող Էռլինգ Հոլանդը գոլ է խփել ու կրկնել Գերդ Մյուլերի տպավորիչ ցուցանիշը, հայտնում է Stats Foot-ը։
հավաքականում անցկացրած 60 խաղում 66 գոլ է խփել։
Մանչեսթեր Սիթիի» ֆուտբոլիստը 1974թ. ի վեր առաջին եվրոպացի ֆուտբոլիստն է, որը հավաքականում անցկացրած 60 խաղում 66 գոլ է խփել։
Նման ցուցանիշ գրանցել է միայն Գերմանիայի հավաքականի նախկին հարձակվող Մյուլերը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Ազգերի լիգա. Նորվեգիան վստահ խաղով հաղթեց Ուելսին 🎥
Ազգերի լիգայի A դիվիզիոնի չորրորդ խմբի 5-րդ տուրում Նորվեգիայի ազգային հավաքականը տնային խաղում 3:1 հաշվով հաղթեց Ուելսին։
Օսլոյում կայացած խաղում «Վիկինգներից» գոլ խփեցին Անտոնիո Նուսան, Անդրեաս Շելդերուպն ու Էռլինգ Հոլանդը։ «Վիշապներից» աչքի ընկավ Դեյվիդ Բրուքսը։
Սոլե Սոլբակենի գլխավորած թիմը 6 միավորով երկրորդ տեղ բարձրացավ։ Ուելսը 3 միավորով վերջին` 4-րդ տեղում է։
Հանդիպման գոլերը` այստեղ
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Ֆրանսիայի գավաթ. Հայ ֆուտբոլիստի` 90+1-ին խփած գոլը դրամարիկ հաղթանակ է պարգևել իր թիմին 🎥
Ֆրանսիայի գավաթի խաղարկության 1/128 եզրափակիչում Լիգա 3-ը ներկայացնող «Վերսալը» սեփական դաշտում 3:2 հաշվով դրամարիկ հաղթանակ է կորզել Լիգա 2-ում հանդես եկող «Ռոդեզից»։
Տանտերերի հաղթական գոլը մրցավարի ավելացրած առաջին րոպեին խփել է Արթուր Զախարյանը։
«Վերսալը» մինչև 72-րդ րոպեն պարտվում էր 1:2 հաշվով, բայց կարողացել է քամբեք անել։ Ակումբից գոլ են խփել նաև Քենան Ռոշա-Սանթոսն ու Բիլալ Սիսես։ Հյուրերից աչքի են ընկել Ջորդան Կորեյան և Նաչոն Նսինգին։
29-ամյա Զախարյանն այս տարվա հուլիսից հանդես է գալիս «Վերսալում» ու բոլոր մրցաշարերի 8 խաղում խփել է 2 գոլ։
Հայ կիսապաշտպանը ծնվել է Ադրբեջանի Սումգայիթ քաղաքում։ Նա հանդես է եկել միայն ֆրանսիական ակումբներում։ Զախարյանը, բացի «Վերսալից», խաղացել է նաև «Ֆուժերում», «Վիտրեում», «Լիֆրեում» և «Ստադ Բրիոշանում»։
«Վերսալը» Լիգա 3-ի ընթացիկ մրցաշրջանի 12 խաղում 22 միավոր է վաստակել ու 4-րդ տեղում է։
Ջորդան Գոնսալեսի գլխավորած թիմը պայքարը կշարունակի Ֆրանսիայի գավաթի խաղարկության 1/64 եզրափակիչում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Ճապոնիան թրիլերային հաղթանակ կորզեց Բրազիլիայից 🎥
Ճապոնիայի ազգային հավաքականն ընկերական խաղում 3:2 հաշվով թրիլերային հաղթանակ տարավ Բրազիլիայի թիմի նկատմամբ։
Սինգապուրի Կալանգ քաղաքում կայացած խաղում «Սամուրայները» շատ արագ երկու գնդակի առավելություն ստացան. 15-րդ ու 19-րդ րոպեներին աչքի ընկան Տակեֆուսա Կուբոն և Կեյտո Նակամուրան։
«Պենտակամպիոնները» հետագայում կարողացան Վինիսիուսի դուբլի շնորհիվ հավասարեցնել հաշիվը։ Մադրիդի «Ռեալի» վինգերին երկու ասիստ կատարեց «Արսենալի» կիսապաշտպան Բրունո Գիմարայեսը։
Թվում էր, թե կողմերը ոչ-ոքի կգրանցեն, բայց ճապոնացիները 90+1-րդ րոպեին Տացուհիրո Սակամոտոյի գոլի շնորհիվ հաղթանակ կորզեցին։
Հանդիպման եզրափակիչ սուլիչից հետո գլխավոր մրցավար Ջենաեն Ֆուն կարմիր քարտ է ցույց տվել բրազիլացիների գլխավոր մարզիչ Կառլո Անչելոտիին ու թիմի ավագ Ռաֆինյային։
Աշխարհի հնգակի չեմպիոնը նույն քաղաքում ևս մեկ ընկերական հանդիպում կանցկացնի նոյեմբերի 17-ին` մրցելով Սինգապուրի հավաքականի դեմ։
Ճապոնիան էլ նույն օրը Կալանգում կհանդիպի Պարագվայի հավաքականի դեմ։
Հանդիպման գոլերը` այստեղ
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Հակիմիի ֆանտաստիկ երկու գոլերն ու Մարոկկոյի ջախջախիչ հաղթանակը 🎥
Աֆրիկայի ազգերի գավաթի 2027թ. խաղարկության որակավորման փուլի A խմբի երրորդ տուրում Մարոկկոյի ազգային հավաքականը Կասաբլանկայի «Մոհամեդ V» ստադիոնում 5:1 հաշվով ջախջախել է Նիգերի թիմին։
«Ատլասե առյուծներից» հերթական փայլուն հանդիպումն է անցկացրել թիմի ավագ ու առաջատար Աշրաֆ Հակիմին։
ՊՍԺ-ի ֆուտբոլիստը ֆանտաստիկ երկու գոլ է խփել ու ասիստ կատարել։
Մոհամեդ Ուաբիի գլխավորած թիմից մեկական գոլ էլ խփել են Յասիր Զաբիրին, Յուսեֆ Էն-Նեսիրին ու Այուբ Ուֆկիրը։
Հյուրերից աչքի է ընկել Մոհամեդ Աբդուռահմանը։
Մարոկկոն հաղթել է բոլոր խաղերում ու 9 միավորով առաջին տեղում է։ Նիգերը 3 միավորով ու երրորդն է։
A խմբում ընդգրկված են նաև Գաբոնի և Լեսոտոյի հավաքականները, որոնք ունեն են համապատասխանաբար 6 և 0 միավոր։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Ազգերի լիգա. Գերմանիան վստահ խաղով հաղթել է Սերբիային 🎥
Ազգերի լիգայի A դիվիզիոնի երկրորդ խմբի 5-րդ տուրում Գերմանիայի ազգային հավաքականը Բելգրադում 3:1 հաշվով հաղթել է Սերբիայի թիմին։
Յուրգեն Կլոպի գլխավերած թիմից մեկական գոլ են խփել Ֆլորիան Վիրցն ու Բրայան Գրուդան, իսկ հյուրերի պաշտպան Սրջան Բաբիչը գրավել է սեփական դարպասը։ Սերբերից աչքի է ընկել նույն Բաբիչը։
Տանտերերը հանդիպումն ավարտել են 9 ֆուտբոլիստով. դաշտից հեռացվել են Վանյա Դրագոևիչն ու Անդրիա Ժիվկովիչը։
Այս խմբում կայացել է ևս մեկ հանդիպում.
A դիվիզիոնի երկրորդ խմբի մրցաշարային աղյուսակն այժմ ունի հետևյալ տեսքը.
- Նիդերլանդներ – 11 միավոր
- Հունաստան – 8
- Գերմանիա – 8
- Սերբիա – 0
Վերջին` 6-րդ տուրում կկայանան Գերմանիա – Նիդերլանդներ, Հունաստան – Սերբիա հանդիպումները։
Սերբիա – Գերմանիա խաղի գոլերը` այստեղ
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
© Interfootball.am 2026