Վերլուծություն
Մրցաշարային աղյուսակներ
«Ման. Յունայթեդը» մոտ է Կարիկի փոխարինողի հետ համաձայնության հասնելուն
Մաուրիսիո Պոչետինոն մոտ է «Մանչեսթեր Յունայթեդի» գլխավոր մարզիչ նշանակվելուն, հայտնում է ինսայդեր Ֆաբրիցիո Ռոմանոն։
Մանկունիական գրանդի տնօրենների ու արգենտինացի մասնագետի ներկայացուցիչների բանակցությունները վերջին փուլում են։
54-ամյա մասնագետը պատրաստ է լքել ԱՄՆ-ի ազգային հավաքականի գլխավոր մարզչի պաշտոնն ու անմիջապես աշխատանքի անցնել «Յունայթեդում»։
The Athletic-ի տվյալներով` «Կարմիր սատանաները» Պոչետինոյի նշանակման համար ԱՄՆ-ի ֆուտբոլի ֆեդերացիային ստիպված կլինեն վճարել 10 միլիոն դոլար հրաժարագին։
Անգլիական ակումբը, մեծ հավանականությամբ, նաև առանձին հրաժարագին կվճարի արգենտինացու մարզչական շտաբի անդամների համար։
Սպասվում է, որ «Յունայթեդը» առաջիկա ժամերին գլխավոր մարզչի պաշտոնից կհեռացնի Մայքլ Կարիկին։ Նրա գլխավորությամբ ակումբը հանդես է գալիս 2026թ. հունվարից, 32 խաղում տարել է 15 հաղթանակ, գրանցել 8 ոչ-ոքի, կրել 9 պարտություն։
Պոչետինոն անգլիական ակումբներից նախկինում աշխատել է «Սաութհեմփթոնում» և «Տոտենհեմում»։ Նա ամերիկացիներին մարզում է 2024թ. սեպտեմբերից, որոնք նրա գլխավորությամբ 35 խաղում գրանցել են 22 հաղթանակ, 1 ոչ-ոքի, 12 պարտություն։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Բարսան» ու CBF-ը համաձայնության են հասել
«Բարսելոնան» ակումբի հարձակվող Ռաֆինյայի խաղաժամանակի ու ծանրաբեռնվածության հարցում համաձայնության է հասել Բրազիլիայի ֆուտբոլային կոնֆեդերացիայի (CBF) հետ հետ, հաստատում է Globo Esporte-ն։
Կողմերն աշխատում են, որպեսզի բրազիլացի ֆուտբոլիստը հավաքականում նոր վնասվածք չստանա։
29-ամյա հարձակվողը սեպտեմբերի 29-ին Ավստրալիայի հավաքականի հետ ընկերական խաղում (4:2) մկանային վնասվածք էր ստացել` խաղադաշտից բացակայոլով մոտ 3 շաբաթ։
«Պենտակամպիոնները» նոյեմբերի 14-ին ընկերական խաղում կմրցեն Ճապոնիայի, իսկ երեք օր անց` Սինգապուրի դեմ։ Երկու հանդիպումներն էլ կկայանան Սինգապուրի Կալանգ քաղաքում։
Ռաֆինյան ընթացիկ մրցաշրջանում բոլոր մրցաշարերի 14 խաղում խփել է 19 գոլ, կատարել 3 ասիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Հայ ֆուտբոլիստը մասնակցել է «Վալենսիայի» դեմ կայացած Իսպանիայի գավաթի հանդիպման 🎥
Իսպանիայի գավաթի խաղարկության 1/64 եզրափակիչում «Տավերնեսը» սեփական դաշտում 0:6 հաշվով պարտվել է «Վալենսիային»։
«Չղջիկներից» դուբլ է գրանցել Այմար Բլասկեսը, մեկական գոլ են խփել Դանի Ռաբան, Ուգո Դուրոն, Լուիս Ռիոխան ու Հարվի Էլիոթը։
«Տավերնեսի» կազմում ամբողջ հանդիպմանը մասնակցել է հայ պաշտպան Արթուր Հայրապետյանը։
34-ամյա ֆուտբոլիստը 2018թ. հուլիսից հանդես է գալիս «Տավերնեսում»։ Ըստ պաշտպանի սոցցանցերի էջերի` նա կիսապրոֆեսիոնալ ֆուտբոլիստ է ու նաև դաջվածքների մասնագետ է։
«Վալենսիան» պայքարը կշարունակի մրցաշարի 1/32 եզրափակիչում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Կուկուրելիա. ««Ռեալն» այժմ Եվրոպայի լավագույն ակումբն է»
Մադրիդի «Ռեալի» պաշտպան Մարկ Կուկուրելիան կարծում է, որ «Լոս Բլանկոսն» այժմ Եվրոպայի լավագույն ակումբն է, հայտնում է Mundo Deportivo-ն։
«Այսօրվա դրությամբ, կարծում եմ, որ «Ռեալն» այժմ Եվրոպայի լավագույն ակումբն է։ Մենք լավ մարզավիճակ ենք հավաքել` անցկացնելով մի շարք հիանալի հանդիպումներ։ Թիմը շատ հզոր տեսք ունի։
ՊՍԺ-ն հիանալի թիմ ունի, բայց, անկեղծ, չեմ դիտում նրանց մասնակցությամբ խաղերը։ Չեմ խաբի ու կասեմ, որ չեմ դիտել նաև «Բարսելոնայի» դեմ նրանց մասնակցությամբ խաղը։ Առհասարակ, քիչ եմ ֆուտբոլ դիտում։
Խնդիրն այն չէ, որ դա ինձ դուր չի գալիս։ Պարզապես, ես այլ գործեր ունեմ, ինչպես նաև ժամանակ եմ անցկացնում ընտանիքի հետ։
ՊՍԺ-ն հիանալի թիմ է, որն ունի շատ լավ կազմ և արդեն երկար ժամանակ է աշխատում է նույն զարգացման ծրագրով, բայց «Ռեալն» այժմ ավելի հզոր է թվում»,- ասել է իսպանացի պաշտպանը։
28-ամյա ֆուտբոլիստն ընթացիկ մրցաշրջանում բոլոր մրցաշարերի 16 խաղում 1 ասիստ է կատարել։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Ռեալը», «Ատլետիկոն» ու «Չելսին» հետաքրքրված են «Արսենալի» ֆուտբոլիստի ծառայություններով
«Արսենալի» կիսապաշտպան Մարտին Սուբիմենդին ձմռանը կարող է փոխել ակումբը, հայտնում է The Independent-ը։
27-ամյա ֆուտբոլիստի ծառայություններով հետաքրքրված են մադրիդյան գրանդներ «Ռեալն» ու «Ատլետիկոն», ինչպես նաև «Չելսին»։
«Զինագործները» բասկ կիսապաշտպանի տրանսֆերը վաճառելու դեպքում կպահանջեն այնքան, որքան 2025թ. հուլիսին տեղափոխության համար վճարել են «Ռեալ Սոսիեդադին»։ Լոնդոնյան գրանդը Զուբիմենդիին ձեռք է բերել 70 միլիոն եվրոյով։
Մարտին Զուբիմենդին «Արսենալում» 69 խաղում խփել է 6 գոլ, կատարել 4 ասիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Պաշտոնական. Ռաուլն իսպանական ակումբ է գլխավորել 📸
Նախկին, լեգենդար հարձակվող Ռաուլը նշանակվել է Իսպանիայի երկրորդ լիգան` Սեգունդան ներկայացնող «Ռեալ Օվիեդոյի» գլխավոր մարզիչ, հայտնում է ակումբի մամուլի ծառայությունը։
Կողմերը պայմանագիր են կնքել, որը կսպառվի 2028թ. հուլիսի 1-ին։
49-ամյա մասնագետը նախկինում աշխատել է միայն Մադրիդի «Ռեալի» համակարգում` 2019-2025թթ. մարզելով ակումբի երիտասարդական թիմը` «Կաստիլիան»։
Նախկին հարձակվողը ֆուտբոլային կարիերայի ընթացքում` 1992-2010թթ., հանդես է եկել «Արքայական ակումբում»` 741 խաղում գրանցելով 323 գոլ ու 137 ասիստ։ Նա «Լոս Բլանկոսի» պատմության մեջ ամենաշատ հանդիպում անցկացրած ֆուտբոլիստն է ու երրորդ լավագույն ռմբարկուն։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
2026թ. խորհրդանշական հավաքականը` ըստ FIFPRO-ի 📸
Պորֆեսիոնալ ֆուտբոլիստների ասոցիացիայի միջազգային ֆեդերացիան (FIFPRO) հրապարակել է 2026թ. խորհրդանշական հավաքականը։
Դարպասապահ` Դավիդ Ռայա («Արսենալ», Իսպանիա)։
Պաշտպաններ` Ժորժե Մենդեշ (ՊՍԺ, Պորտուգալիա), Պաու Կուբարսի («Բարսելոնա», Իսպանիա), Աշրաֆ Հակիմի (ՊՍԺ, Մարոկկո)։
Կիսապաշտպաններ` Ջուդ Բելինգեմ («Ռեալ Մադրիդ», Անգլիա), Ռոդրի («Բարսելոնա», Իսպանիա), Վիտինյա (ՊՍԺ, Պորտուգալիա)։
Հարձակվողներ` Կիլիան Մբապե («Ռեալ Մադրիդ», Ֆրանսիա), Էռլինգ Հոլանդ («Մանչեսթեր Սիթի», Նորվեգիա), Լիոնել Մեսի («Ինտեր Մայամի», Արգենտինա), Լամին Յամալ («Բարսելոնա», Իսպանիա)։
Խորհրդանշական հավաքականը կազմել են 19806 պորֆեսիոնալ ֆուտբոլիստներ։
Խորհրդանշական հավաքականից դուրս է մնացել «Ոսկե գնդակի» դափնեկիր Հարի Քեյնը («Բավարիա», Անգլիա)։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Բարսան» ծանր պայքարում հաղթեց «Ատլետիկոյին»` շարունակելով զբաղեցնել առաջին տեղը 🎥
Իսպանիայի Լա լիգայի 12-րդ տուրի կենտրոնական խաղում «Բարսելոնան» «Մետրոպոլիտանո» ստադիոնում 2:1 հաշվով կամային հաղթանակ տարավ Մադրիդի «Ատլետիկոյի» նկատմամբ։
«Ռոխիբլանկոսից» հաշիվը 10-րդ րոպեին բացեց Ջուլիանո Սիմեոնեն։ Հետագայում գործող չեմպիոն «Բլաուգրանան» Ֆերմին Լոպեսի դուբլի շնորհիվ կարողացավ բեկել հանդիպման ընթացքն ու առավելության հասնել բարդ խաղում։
Հանսի Ֆլիկի գլխավորած թիմը 33 միավորով առաջին տեղում է։ Մոտակա հետապնդող Մադրիդի «Ռեալն» ունի 30 միավոր։ «Ատլետիկոն» 28 միավորով երրորդն է։
«Չելսին» սենսացիոն պարտություն կրեց 🎥
Անգլիայի Պրեմիեր լիգայի 10-րդ տուրում «Չելսին» հյուրընկալվելիս 0:1 հաշվով սենսացիոն պարտություն կրեց առաջնության հետնապահ «Սանդեռլենդից»։
«Սև կատուների» հաղթական գոլը 36-րդ րոպեին խփեց Էնցո Լե Ֆեն։
Հանդիպման հերոսներից էր նաև տանտերերի դարպասապահ Ռոբին Ռուֆսը` կատարելով 4 սեյվ։
«Սանդեռլենդը» միավորների քանակը հասցրեց 8-ի, լքեց վերջին` 20-րդ տեղը և այժմ 18-րդն է։
Լոնդոնյան գրանդը 16 միավորով 5-րդն է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
© Interfootball.am 2026