Վերլուծություն
Մրցաշարային աղյուսակներ
Չալհանօղլուի և Էսպոզիտոյի ֆանտաստիկ գոլերն ու «Ինտերի» խոշոր հաշվով հաղթանակը 🎥
Իտալիայի Ա սերիայի 2026/27 մրցաշրջանի առաջին տուրում գործող չեմպիոն «Ինտերը» «Ջուզեպե Մեացա» ստադիոնում 4:1 հաշվով հաղթեց «Մոնցային»։
«Ներաձուրիից» 6-րդ րոպեին հեռահար հարվածով հաշիվը բացեց Հական Չալհանօղլուն` խփելով ֆանտաստիկ գոլ։
Միլանյան գրանդից մեկական անգամ էլ աչքի ընկան Պյոտր Զելինսկին, Ֆրանչեսկո Պիո Էսպոզիտոն ու Յան Բիսեկը։
Էսպոզիտոն մրցակցի դարպասը գրավեց կրնկով կատարած անզուգական հարվածով։
«Մոնցայի» գոլը խփեց Գուստավո Վարելան։
«Ինտերից» հանդիպումը որակազրկման պատճառով բաց թողեց Հայաստանի ազգային հավաքականի նախկին ավագ Հենրիխ Մխիթարյանը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Ման. Յունայթեդը» սենսացիոն պարտություն կրեց «Հալ Սիթիից» 🎥
Անգլիայի Պրեմիեր լիգայի 2026/27 մրցաշրջանի առաջին տուրում «Մանչեսթեր Յունայթեդը» մրցակցի դաշտում 0:2 հաշվով սենսացիոն պարտություն կրեց «Հալ Սիթիից»։
Առաջնության նորեկի հաղթական գոլերը խփեցին Սեմի Աջային ու Նոբել Մենդին։
Հանդիպման հերոսներից էր տանտերերի դարպասապավ Կոստանտինոս Ցոլակիսը` կատարելով 5 սեյվ։
«Վագրերը» պատմության մեջ առաջին անգամ Պրեմիեր լիգայում հաղթեցին «Կարմիր սատանաներին»։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Արսենալը» չեմպիոնության պաշտպանությունը փայլուն հաղթանակով սկսեց 🎥
Անգլիայի Պրեմիեր լիգայի 2026/27 մրցաշրջանի առաջին տուրում գործող չեմպիոն «Արսենալը» սեփական դաշտում 3:0 հաշվով հաղթեց առաջնության նորեկ «Քովենթրի Սիթիին»։
«Զինագործներից» մեկական գոլ խփեցին Կայ Հավերցը, Բուկայո Սական ու թիմի ավագ Մարտին Էդեգորը։
Միկել Արտետայի գլխավորած թիմը մրցաշրջանի առաջին 3 միավորը վաստակեց։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
«Արսենալ» – «Քովենթրի Սիթի». մեկնարկային կազմեր, ուղիղ եթեր
Անգլիայի Պրեմիեր լիգայի 2026/27 մրցաշրջանի առաջին տուրում գործող չեմպիոն «Արսենալը» «Էմիրեյթս» ստադիոնում կմրցի առաջնության նորեկ «Քովենթրի Սիթիի» դեմ։
Հանդիպումը կմեկնարկի ժամը 22:00-ին, որի ուղիղ հեռարձակմանը կարող եք հետևել այստեղ։
Ակումբները դաշտ դուրս կգան հետևյալ մեկնարկային կազմերով.
ԵԼ. «Լեխն» անհավատալի հաշվով ջախջախեց Շվեյցարիայի չեմպիոնին 🎥
Եվրոպա լիգայի որակավորման փլեյ-օֆֆ-ի առաջին խաղում «Լեխը» Պոզնանի «Զնեյա» ստադիոնում 7:0 հաշվով ջախջախեց Շվեյցարիայի չեմպիոն «Թունին»։
Լեհաստանի չեմպիոնից դուբլ գրանցեց Պատրիկ Վոլեմարկը, իսկ Ալահյար Սայադմանեշը, Մատեուշ Սկշիպչակը, Ռադոսլավ Մուրավսկին,Դանիել Հականսն ու Ռոբերտ Գումին մեկական գոլ խփեցին։
Դիմակայության պատասխան հանդիպումը կկայանա օգոստոսի 27-ին, մեկնարկը` ժամը 22:00-ին։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
ԵԼ. Սալահի նոր ակումբը սենսացիոն պարտություն կրեց «Ֆերենցվարոշից» 🎥
Եվրոպա լիգայի որակավորման փլեյ-օֆֆ-ի առաջին խաղում «Տրաբզոնսպորը» սեփական դաշտում 0:1 հաշվով սենսացիոն պարտություն կրեց «Ֆերենցվարոշից»։
Հունգարական ակումբի հաղթական գոլը 17-րդ րոպեին խփեց Քրիստոֆեր Զախարիասենը։
Հիշեցնենք, որ թուրքական ակումբը վերջերս ազատ գործակալի կարգավիճակում պայմանագիր է ստորագրել եգիպտոսցի լեգենդար վինգեր Մոհամեդ Սալահի հետ։
«Տրաբզոնսպորում» է հանդես գալիս նաև «Մանչեսթեր Յունայթեդի» նախկին դարպասապահ Անդրե Օնանան։
Դիմակայության պատասխան հանդիպումը կկայանա օգոստոսի 27-ին Բուդապեշտում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Պաշտոնական. «Ռեալի» ու «Միլանի» նախկին ֆուտբոլիստը գլխավորեց «Նոան» 📸
Պաբլո Գարսիան նշանակվել է «Նոայի» գլխավոր մարզիչ, հայտնում է ակումբի մամուլի ծառայությունը։
Կողմերը պայմանագիր են կնքել, որի մանրամասները չեն հաղորդվում։
49-ամյա մասնագետը պաշտոնում փոխարինել է Սանդրո Պերկովիչին։
Ուրուգվայցի մասնագետը նախկինում մարզել է ԱՊՕԵԼ-ը (Կիպրոս), հունական «Ատրոմիտոսը», «Պանսերայիկոսը», ՊԱՕԿ-ը, ՊԱՕԿ-ի երիտասարդական, Մ20 ու Մ17 թիմերը։
ՊԱՕԿ-ը Գարսիայի գլխավորությամբ 2021թ. դարձել է Հունաստանի գավաթակիր։
Պաբլո Գարսիան ֆուտբոլային կարիերայի ընթացքում հանդես է եկել բազմաթիվ ակումբներում, այդ թվում Մադրիդի «Ռեալում» և «Միլանում»։
2000թ. ամռանը «Ռոսոներին» նախկին կիսապաշտպանի տրանսֆերը Մադրիդի «Ատլետիկոյից» գնել է 5 միլիոն եվրոյով։ Նա միլանյան գրանդում, սակայն, անցկացրել է ընդամենը 6 հանդիպում։
Գարսիան 2005թ. հուլիսին «Օսասունայից» «Ռեալ» է տեղափոխվել 4 միլիոնով։ Ֆուտբոլիստն «Արքայական ակումբում» 26 խաղում գոլ կամ ասիստ չի գրանցել։
Պաբլո Գարսիան Ուրուգվայի ազգային հավաքականում անցկացրել է 65 հանդիպում` դառնալով 2 գոլի ու 1 գոլային փոխանցման հեղինակ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
ՉԼ. «Սելթիկը» շանս չտվեց Ավստրիայի չեմպիոնին` խոշոր հաշվով հաղթանակ տանելով 🎥
Չեմպիոնների լիգայի որակավորման փլեյ-օֆֆ-ի առաջին խաղում «Սելթիկը» Գլազգոյում 3:0 հաշվով վստահ հաղթանակ տարավ Ավստրիայի չեմպիոն ԼԱՍԿ-ի նկատմամբ։
Շոտլանդիայի չեմպիոնից դուբլ գրանցեց թիմի նորեկ Կամիլո Դուրանը, մեկ գոլ էլ խփեց Բենյամին Նյուրգենը։
Հանդիպմաբ հերոսներից էր «Կելտերի» դարպասապահ Վիլյամի Սինիսալոն` կատարելով 8 սեյվ։
Դիմակայության պատասխան հանդիպումը կկայանա օգոստոսի 25-ին Լինցի «Ռայֆայզեն Արենա» ստադիոնում, մեկնարկը` ժամը 23:00-ին։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
ՉԼ. «Բուդյո Գլիմտը» հիացնում է` վստահ հաղթանակ տանելով ՆԵԿ-ի դեմ խաղում 🎥
Չեմպիոնների լիգայի որակավորման փլեյ-օֆֆ-ի առաջին խաղում «Բուդյո Գլիմտը» մրցակցի դաշտում 3:1 հաշվով հաղթեց ՆԵԿ-ին։
Նորվեգական ակումբից մեկական գոլ խփեցին Սոնդրե Ֆետը, Անդրեաս Հելմերսենն ու Հայտամ Ալիսամին։
Նիդերլանդների Նեյմեխեն քաղաքը ներկայացնող ակումբից աչքի ընկավ Կլեմենտ Բիշոֆը։
Դիմակայության պատասխան հանդիպումը կկայանա օգոստոսի 25-ին Բուդյոյի «Ասպմիրա» ստադիոնում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
© Interfootball.am 2026