ՉԼ-ին առաջին անգամ մասնակցող ակումբը խոշոր անակնկալ մատուցեց` պայքարից դուրս թողնելով «Օլիմպիակոսին» 🎥

Չեմպիոններ լիգայի որակավորման երրորդ փուլի պատասխան խաղում ՆԵԿ-ը սեփական դաշտում, լրացուցիչ ժամանակը ներառյալ, 2:1 հաշվով կամային հաղթանակ է տարել «Օլիմպիամոսի» նկատմամբ։

Հունական ակումբից 46-րդ րոպեին հաշիվը բացել է Այուբ Էլ Կաբին։

Նիդերլանդների Նեյմեխեն քաղաքը ներկայացնող ակումբից 70-րդ րոպեին հաշիվը հավասարեցրեց Բրայան Լինսենը` եզրափակելով սերբ անվանի ֆուտբոլիստ Դուշան Տադիչի ասիստը։

80-րդ րոպեին հյուրերը մնացին 10 ֆուտբոլիստով. դաշտից հեռացվեց Կոստանտինոս Ֆորտունիսը։

Լրացուցիչ առաջին խաղակեսում` 95-րդ րոպեին, Դիկ Շրյոդերի գլխավորած թիմի հաղթական գոլը խփեց Դորտմունդի «Բորուսիայի» նախկին ֆուտբոլիստ Էմրե Մորը։

Կողմերի առաջին մրցավեճում գրանցվել էր 0:0 հաշիվը. ՆԵԿ-ը դուրս եկավ Չեմպիոնների լիգայի որակավորման փլեյ-օֆֆ, որտեղ կմրցի նորվեգական «Բուդյո Գլիմտի» դեմ։

ՆԵԿ-ը պատմության մեջ առաջին անգամ է մասնակցում Չեմպիոնների լիգային։

Այս զույգի պարտվող «Օլիմպիակոսը» դուրս եկավ միանգամից Եվրոպա լիգայի Լիգայի փուլ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

«Բարսելոնան» նոր առաջարկ է «Ման. Սիթիին» 📸

«Բարսելոնան» շարունակում է քայլեր ձեռնարկել` «Մանչեսթեր Սիթիի» կիսապաշտպան Ռոդրիին ձեռք բերելու համար, հայտնում է ինսայդեր Ֆաբրիցիո Ռոմանոն։

«Բլաուգրանան» տրանսֆերային նոր առաջարկ է արել «Քաղաքաբնակներին» ու այժմ 30-ամյա ֆուտբոլիստի տեղափոխության համար պատրաստ է վճարել 60 միլիոն եվրո, որին կավելանան նաև տարբեր բոնուսներ։

Մանկունիական գրանդն իր ֆուտբոլիստին կվաճառի, եթե վճարվի 80 միլիոն եվրո, բայց բոնուսների չափը կարող է վճռորոշ լինել գործարքի իրականացման համար։

Ռոդրին «Մանչեսթեր Սիթիում» հանդես է գալիս 2019թ. հուլիսից, 298 խաղում գրանցել է 28 գոլ ու 32 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

Պաշտոնական. Ալեքսիս Սանչեսը նոր ակումբ ունի 📸

Անվանի հարձակվող Ալեքսիս Սանչեսն ազատ գործակալի կարգավիճակում տեղափոխվել է ՄԼՍ-ը ներկայացնող «Մոնրեալ», հայտնում է կանադական ակումբի մամուլի ծառայությունը։

Կողմերը պայմանագիր են կնքել, որը կգործի մինչև 2027թ. հուլիսի 1-ը։

37-ամյա ֆուտբոլիստը նախորդ մրցաշրջանն անցկացրել է «Սևիլիայում», 30 խաղում խփել է 4 գոլ, կատարել 2 ասիստ։

Լեգենդար հարձակվողը նախկինում հանդես է եկել նաև «Արսենալում», «Բարսելոնայում», «Ինտերում», «Մանչեսթեր Յունայթեդում», «Ուդինեզեում», «Մարսելում» և այլ ակումբներում։

Սանչեսը Չիլիի ազգային հավաքականի պատմության մեջ լավագույն ռմբարկուն (51 գոլ) և ամենաշատ հանդիպում (168) անցկացրած ֆուտբոլիստն է։ Նա «Լա Ռոխայի» կազմում երկու անգամ դարձել է Ամերիկայի գավաթակիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBm

Պաշտոնական. «Ռեալի» նորեկների խաղահամարները 📸

Մադրիդի «Ռեալը» հրապարակել է 2026/27 մրցաշրջանում ակումբում հանդես եկող ֆուտբոլիստների խաղահամարները։

«Արքայական ակումբի» նորեկներից Իբրահիմա Կոնատեն կխաղա «16»-ով, Մարկ Կուկուրելյան` «17»-ով, Կառլոս Էսպին` «19»-ով, Բեռնարդու Սիլվան` «20»-ով, Դենզել Դյումֆրիսը` «24», իսկ Յան Դիոմանդեն` «25» համարով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

Պաշտոնական. Ռոնալդ Արաուխոն տեղափոխվել է անգլիական գրանդ 📸

«Լիվերպուլը» վարձակալել է «Բարսելոնայի» պաշտպան Ռոնալդ Արաուխոյին, հայտնում է մերսիսայդյան գրանդի պաշտոնական կայքը։

Կողմերի պայմանագիր են կնքել, որը կսպառվի 2027թ. հուլիսի 1-ին։

Ինսայդեր Ֆաբրիցիո Ռոմանոյի տվյալներով` վարձակալության ավարտին անգլիական ակումբը կունենա 55 միլիոն եվրոյով ուրուգվայցի ֆուտբոլիստի տրանսֆերը գնելու պայմանագրային հնարավորություն։

27-ամյա պաշտպանը «Բարսելոնայում» հանդես էր գալիս 2018թ. օգոստոսից, 213 խաղում խփել է 14 գոլ, կատարել 7 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

Պաշտոնական. «Արսենալը» 87,5 միլիոն է վճարել Բրազիլիայի հավաքականի ֆուտբոլիստի տրանսֆերի համար 📸

«Արսենալը» ձեռք է բերել «Նյուքասլի» կիսապաշտպան Բրունո Գիմարայեսին, հայտնում է Անգլիայի չեմպիոնի պաշտոնական կայքը։

Կողմերը պայմանագիր են կնքել, որը կսպառվի 2030թ. հուլիսի 1-ին։

Transfermarkt-ի տվյալներով` «Զինագործները» Գիմարայեսի տեղափոխության համար «Կաչաղակներին» վճարել են 87,5 միլիոն եվրո և իրականացրել ակումբի պատմության մեջ երկրորդ ամենաթանկարժեք տրանսֆերը։

Ավելի շատ գումար լոնդոնյան գրանդը վճարել է միայն Դեկլան Ռայսի տեղափոխության համար` «Վեսթ Հեմից» ձեռք բերելով 116,6 միլիոն եվրոյով։

Գիմարայեսը «Նյուքասլում» հանդես էր գալիս 2022թ. հունվարից, 195 խաղում խփել է 31 գոլ, կատարել 32 ասիստ։

28-ամյա ֆուտբոլիստը 2020թ. նոյեմբերից հրավիրվում է Բրազիլիայի ազգային հավաքական։ Նա «Պենտակամպիոնների» կազմում 48 խաղում գրանցել է 3 գոլ ու 12 ասիստ։

Գիմարայեսն ազգային թիմի հետ մասնակցեց ԱԱ-2026-ին` 5 խաղում կատարելով 4 գոլային փոխանցում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

Սևիկյանը մասնակցեց «Ռեալի» դեմ հանդիպմանը. «Արքայական ակումբը» հաղթեց «Ֆերենցվարոշին» 🎥

Մադրիդի «Ռեալը» նախամրցաշրջանային պատրաստության հերթական խաղում Բուդապեշտի «Գրուպամա» ստադիոնում 2:1 հաշվով հաղթել է «Ֆերենցվարոշին»։

«Արքայական ակումբի» գոլերը խփել են Մարիո Ռիվասն ու Կառլոս Էսպին։ Տանտերերից աչքի է ընկել Կենան Կոդրոն։

Հունգարական ակումբից հանդիպմանը մասնակցել է նաև Հայաստանի ազգային հավաքականի կիսապաշտպան Էդգար Սևիկյանը` փոխարինման դուրս գալով 80-րդ րոպեին։

«Ռեալում» առաջին հանդիպումն է անցկացրել թիմի ևս մեկ նորեկ Բեռնարդու Սիլվան։ Պորտուգալացի կիսապաշտպանը մասնակցել է երկրորդ խաղակեսին։

Ժոզե Մոուրինիոյի գլխավորած թիմը ևս մեկ ընկերական հանդիպում կանցկացնի օգոստոսի 12-ին` մրցելով Իսպանիայի նորեկ Լա Կորունիայի «Դեպորտիվոյի» դեմ։

«Ֆերենցվարոշը» օգոստոսի 13-ին Եվրոպա լիգայի որակավորման երրորդ փուլի պատասխան մրցավեճում կհանդիպի լեհական «Գուրնիկին»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

Մահացել է Լիոնել Մեսիի հայրը` Խորխեն 📸

68 տարեկանում կյանքից հեռացել է «Ոսկե գնդակի» 8-ակի դափնեկիր Լիոնել Մեսիի հայրը` Խորխեն, հայտնում են մի շարք աղբյուրներ։

Խորխե Մեսին մահացել է Արգենտինայի Ռոսարիո քաղաքի հիվանդանոցներից մեկում երկարատև հիվանդությունից հետո։

Ալժիրի թիմի դեմ ԱԱ-2026-ի խմբային փուլի առաջին տուրի խաղում (3:0) հեթ-տրիկ գրանցելուց հետո Լիոնել Մեսին չէր կարողացել զսպել հույզերը, իսկ հետխաղային մամուլի ասուլիսում հայտնել էր, որ դա կապված էր ծանր ապրումների հետ։

Հետագայում հայտնի դարձավ, որ ավագ Մեսին ծանր հիվանդ է։ Խորխեն Մեսիների ընտանիքի հետ ներկա չէր աշխարհի առաջնությանը։

Հունիսին Մեսիի ընտանիքը հայտնել էր, որ Խորխեն բուժում է ստանում, բայց գտնվում է կայուն վիճակում։ Նրա վիճակը Մունդիալից առաջ վատթարացել էր։

Նշենք, որ Խորխե Մեսին նաև լեգենդար ֆուտբոլիստի գործակալն էր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

Պաշտոնական. «Ռեալը» և Վինիսիուսը նոր պայմանագիր կնքեցին 📸

Մադրիդի «Ռեալն» ու ակումբի վինգեր Վինիսիուսը նոր պայմանագիր են կնքել, հայտնում է «Լոս Բլանկոսի» պաշտոնական կայքը։

Կողմերի համաձայնագիրը կսպառվի 2032թ. հուլիսի 1-ին։

Բրազիլացի ֆուտբոլիստն «Արքայական ակումբում» հանդես է գալիս 2018թ. հուլիսից, 375 խաղում խփել է 128 գոլ, կատարել 100 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBm