Ալմերիան թրիլլերային պայքարում  պահպանեց տեղը Լա լիգայում 🎥

Ալմերիան թրիլլերային պայքարում պահպանեց տեղը Լա լիգայում 🎥

05/06/2023 - 11:50

Ավարտվեց իսպանական Լա լիգայի 2022/23 մրցաշրջանը, որի վերջին` 38-րդ տուրում, առաջնության ստորոտում բավական հետաքրքիր պայքար ծավալվեց։

«Ալմերիան», որը պայքարում էր տեղն ուժեղագույնների խմբում պահպանելու համար, հյուրընկալվելիս մրցեց որևէ մոտիվացիա չունեցող «Էսպանյոլի» դեմ (խմբ.` կատալոնական ակումբն արդեն դուրս էր մնացել ուժեղագույնների խմբից)։

Տեղը Լա լիգայում պահպանելու համար «Էսպանյոլի» դեմ խաղում «Ալմերիային» բավարար էր նաև ոչ-ոքի արդյունքը, սակայն նաև պետք էր, որ զուգահեռաբար «Վալյադոլիդը» չհաղթի «Խետաֆեին»։

Հանդիպումբը բավական բարդ ընթացք ստացավ, որի ընթացքում Ռուբիի թիմը երկու անգամ հայտնվեց պարտվողի դերում և այդ ընթացքում նույնիսկ նահաջեց վտանգավոր գոտի` 18-րդ հորիզոնական, սակայն, ամեն դեպքում, անդալուսական ակումբը կարողացավ չպարտվել ու խաղն ավարտել 3:3 հաշվով։

Զուգահեռաբար ընթացած «Վալյադոլիդ» – «Խետաֆե» հանդիպումն էլ ավարտվեց «Ալմերիայի» համար ձեռնտու` 0:0 հաշվով։

«Ալմերիայի» հերոսն Ադրիան Էմբարբան էր, ով 88-րդ րոպեին դիպուկ իրացրեց 11-մետրոնցն ու խփել իր թիմի համար այդքան ցանկալի գոլը։

Նշենք, որ 31-ամյա ֆուտբոլիստն այդ խաղում աչքի ընկավ դուբլով, «ռոխիբլանկոսի» կազմից մեկ գոլ էլ խփեց Էլ Բիլալ Տուրեն։

«Էսպանյոլի» գոլերը խփեցին Խավի Պուադոն, Ռոնայել Պիեր-Գաբրիելն ու 18-ամյա իտալացի հարձակվող Լուկա Կոլեոշոն։

Այսպիսով, «Ալմերիան» վաստակեց 41 միավոր և զբաղեցրեց 17-րդ հորիզոնականը` պահպանելով տեղը Լա լիգայում։

«Վալյադոլիդն» (40 միավոր) ու «Էսպանյոլն» (37) էլ առաջնությունն ավարտեցին համապատասխանաբար 18-րդ և 19-րդ հորիզոնականներում և հաջորդ մրցաշրջանում հանդես կգան Սեգունդայում։

Ավելացնենք, որ վերոնշյալ ակումբներից բացի Իսպանիայի բարձրագույն դիվիզիոնը լքել է նաև «Էլչեն»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023