Ռեալը մտադիր է Լացիոյից վերադարձնել իր սանին

Ինչպես տեղեկացնում է Mundo Deportivo-ն, «Ռեալ Մադրիդը» մտադիր է 2024 թ. ձմեռային տրանսֆերային պատուհանի ժամանակ «Լացիոյից» վերադարձնել իր սան Մարիո Խիլային։

Աղբյուրի փոխանցմամբ` «արքայական» ակումբին է պատկանում իսպանացի կենտրոնական պաշտպանի տրանսֆերային իրավունքների 50%-ը։

Բացի այդ, «սերուցքայիններն» ունեն 23-ամյա ֆուտբոլիստին հետգնման անմիջական իրավունք։

Հաղորդվում է, որ Դավիդ Ալաբայի և Էդեր Միլիտաոյի ծանր վնասվածքներով պայմանավորված` «Ռեալի» մարզչական շտաբը Մարիո Խիլային դիտարկում է որպես խնդրի ժամանակավոր լուծում։

Հավելենք, որ Խիլան «Ռեալի» սան է, որի հիմնական թիմում անցկացրել է 2 հանդիպում։

Իսպանացի պաշտպանը հիմնականում հանդես է եկել «արքայական» ակումբի երկտասարդական թիմում` «Կաստիլիայում», որի կազմում դաշտ է դուրս եկել 73 անգամ` դառնալով 5 գոլի և 3 գոլային փոխանցման հեղինակ։

Մարիո Խիլան 2022 թ. ամռանը 6 մլն եվրոյի դիմաց տեղափոխվեց «Լացիո», որի կազմում անցկացրել է 20 հանդիպում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am