Ցիմիկասը ծանր վնասվածք է ստացել Սակայի և Կլոպի հետ բախման պատճառով 🎥

Անգլիական Պրեմիեր լիգայի 18-րդ տուրում «Լիվերպուլը» «Էնֆիլդ Ռոուդ» մարզադաշտում մրցեց «Արսենալի» դեմ. գրանցվեց 1:1 հաշիվը։

Մերսիսայդյան ակումբի կազմից հանդիպմանը մասնակցեց նաև ձախ պաշտպան Կոստաս Ցիմիկասը, ում համար այն անհաջող ընթացք ստացավ։

34-րդ րոպեին հույն պաշտպանն ուժային պայքարում պարտվեց «Արսենալի» վինգեր Բուկայո Սակային, ինչից հետո բախվեց «Լիվերպուլի» գլխավոր մարզիչ Յուրգեն Կլոպին։

Ցիմիկասն այդ դրվագից հետո փոխարինվեց` խադաշտում տեղը զիջելով Ջո Գոմեսին։

Հանդիպման ավարտից հետո Կլոպը հայտնեց, որ 27-ամյա ֆուտբոլիստը ծանր վնասվածք է ստացել.

«Խաղը մեծ մասամբ ստվերվեց Կոստաս Ցիմիկասի անրակի վնասվածքով։ Նա, միանշանակ, կոտրվածք է ստացել, ինչի պատժառով երկար ժամանակ դուրս է մնացել շարքից։

Մենք ստիպված ենք կրկին բախվել նոր խնդրի, ինչն ընդունելը դժվար է` կապված Էնդրյու Ռոբերտսոնի բացակայության հետ»,- գերմանացի մասնագետի խոսքերը մեջբերում է BBC-ն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am