Սպալետին հաստատել է. նա հեռանում է Նապոլիից

Սպալետին հաստատել է. նա հեռանում է Նապոլիից

29/05/2023 - 19:05

«Նապոլիի» գլխավոր մարզիչ Լուչիանո Սպալետին հայտարարել է, որ պատրաստվում է հեռանալ ակումբից.

«Երբեմն մենք բաժանվում ենք նաև մեծ սիրո պատճառով։ Ես հեռանում եմ և չեմ մնալու ակումբի ղեկին։ Չկա որևէ տարբերակ, որ դիրքորոշումս փոխեմ։

«Նապոլին» միայն լավագույնին է արժանի, իսկ ես այժմ չեմ կարող դա տալ ակումբին։

Շաբաթներ առաջ ակումբի ղեկավարությանը հայտնել եմ, որ ինձ մեկ տարի հանգիստ է անհրաժեշտ։ Ես չեմ աշխատելու որևէ այլ ակումբում։ Ես հանգստանալու եմ մեկ տարի»,- Սպալետիի խոսքերը մեջբերում է ինսայդեր Ֆաբրիցիո Ռոմանոն։

Նշենք, որ «Նապոլիի» նախագահ Աուրելիո Դե Լաուրենտիսը նույնպես հաստատել է, որ 64-ամյա մասնագետը լքելու է գլխավոր մարզիչ պաշտոնը.

«Այո՛, Սպալետին ինձ ասել է, որ մտադիր է աշխատանքային դադար վերցնել։ Ես նրան չեմ կարող մերժել, քանի որ շատ բան է տվել «Նապոլիին»»,- նշել է Դե Լուրենտիսը։

Հավելենք, որ Լուչիանո Սպալետին «Նապոլին» մարզում էր 2021 թ. հունիսից։ Նրա գլխավորությամբ ակումբը 2022/23 մրցաշրջանում դարձավ Ա սերիայի չեմպիոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023