Կումանը Հալանդի փոխարեն նախընտրում է ձեռք բերել Ինտերի աստղին

«Բարսելոնայի» գլխավոր մարզիչ Ռոնալդ Կումանն ակումբի կազմում կցանկանար տեսնել «Ինտերի» գոլահար Ռոմելու Լուկակուին։

Ինչպես տեղեկացնում է լրագրող Ֆրանսեսկ Ագիլյարը, 57-ամյա մասնագետը Լուկակուին ավելի շատ է նախըտնրում, քան «Բորուսիա Դորտմունդի» նորվեգացի հարձակվող Էրլինգ Հալանդին, ում ծառայություններով հետաքրքրված է «կապտանռնագույնների» նորընտիր ղեկավարությունը։

Այնուհամենայնիվ, «Բարսայի» նախագահ Ժոան Լապորտան չի կիսում հոլանդացի մասնագետի կարծիքը։ Լապորտան արդեն 2021 թվակնաի ամռանը Հալանդին ցանկանում է տեսնել կատալոնական ակումբի մարզաշապիկով։

Նշվում է, որ, հանուն Հալանդի, «Բարսելոնան» պատրաստ է բաժանվել միանգամից 6 ֆուտբոլիստներից։ Խոսքը Անտուան Գրիզմանի, Ֆիլիպե Կոուտինիոյի, Ուսման Դեմբելեի, Սամուել Ումտիտիի, Մարտին Բրեյթվեյթի և Խունիոր Ֆիրպոյի մասին է։

Ինչ վերաբերում է «Ինտերին», ապա միլանյան ակումբն ընդհանրապես չի պատրաստվում որևէ առաջարկ լսել բելգիացի հարձակվողի վերաբերյալ և մտադիր չէ վաճառել իր առաջատարին։

Հավելենք, որ Ռոնալդ Կումանն ու Լուկակուն 2016-2017 թվականներին միասին աշխատել են «Էվերտոնում», երբ հոլանդացի մասնագետը գլխավորում էր մերսիսայդյան ակումբը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am