Ռեալը պատրաստ է կլորիկ գումար վճարել Լայպցիգի կիսապաշտանի դիմաց

«Լայպցիգի» հարձակվողական ոճի կիսապաշտպան Դանի Օլմոն, հնարավոր է, կարիերան շարունակի «Ռեալի» կազմում։

Ինչպես տեղեկացնում է Transfermarkt-ը՝ հղում կատարելով Bild-ին, 22-ամյա իսպանացի կիսապաշտպանի ծառայություններով հետաքրքրված է անձամբ «արքայական» ակումբի գլխավոր մարզիչ Զինեդին Զիդանը։

Հաղորդվում է, որ մադրիդյան ակումբը Օլմոյի տրանսֆերի դիմաց պատրաստ է վճարել 40 մլն եվրո, սակայն, սպասվում է, որ «Լայպցիգը» չի վաճառի խաղացողին, ինչը կապված է Տիմո Վերների և Պատրիկ Շիկի հեռանալու հետ։

Դանի Օլմոն վերջին ձմեռային տրասնֆերային պատուհանի ընթացքում է համալրել գերմանական ակումբի շարքերը։ «ՌԲ»-ն նրա տրանսֆերի դիմաց 21 մլն եվրո վճարեց Զագրեբի «Դինամոյին»։

Հավելենք, որ Դանի Օլմոն համարվում է «Բարսելոնայի» մանկապատանեկան դպրոցի սան։