Ռեալը բարդ խաղում կամային հաղթանակ տոնեց Ալմերիայի դեմ խաղում 🎥

Իսպանական Լա լիգայի 1-ին տուրի շրջանակում «Ռեալ Մադրիդը» հյուրընկալվելիս մրցեց «Ալմերիայի» դեմ։

Հանդիպումը, կարելի է ասել, շոկային մեկնարկ ունեցավ, քանի որ «Ալմերիան», Լարժի Ռամազանիի` 6-րդ րոպեին խփած գոլի շնորհիվ, բացեց հաշվը։

Բաց թողած գոլից հետո «արքայական» ակումբն ուներ տոտալ առավելություն` ստեղծելով բազմաթիվ գոլային պահեր, սակայն Կառլո Անչելոտիի թիմին ոչ մի կերպ չհաջողվեց նախքան ընդմիջման գնալը խփել պատասխան գնդակը։

Առաջին կեսում փայլեց տանտերերի դարպասապահ Ֆերնանդո Մարտինեսը` կատարելով 7 սեյվ։

Ամեն դեպքում, երկրորդ խաղակեսում «սերուցքայինները» կարողացան բեկել հանդիպման ընթացքը` 2:1 հաշվով տանելով կամային հաղթանակ։

«Ռեալին» հաղթանակ պարգևեցին Լուկաս Վասկեսի և Դավիդ Ալաբայի խփած գոլերը։

Հատկապես տպավորիչ ստացվեց ավստրիացի պաշտպանի գնդակը, ով մրցակցի դարպասը գրավեց տուգանայինից կատարած հարվածից հետո` դառնալով հիասքանչ գոլի հեղինակ։

Հատկանշական է, որ Ալաբան վայրկյաններ առաջ էր դուրս եկել փոխարինման և միանգամից շտապեց` տուգանային հարվածն իրացնելու։

Ի վերջո, «արքայական» ակումբը հաղթեց 2:1 հաշվով` նոր մեկնարկած առաջնությունում տոնելով առաջին հաղթանակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am