Պրեմիեր լիգայի շրջանակում հետաձգվել է ևս երկու հանդիպում

Պրեմիեր լիգայի շրջանակում շարունակում են կորոնավիրուսի համաճարակի հետևանքով հանդիպումներ հետաձգվել։

Ինչպես տեղեկացնում է ԱՊԼ-ի պաշտոնական կայքը, 19-րդ տուրից հետաձգվել է երկու հանդիպում։

Խոսքը «Լիվերպուլ» – «Լիդս» և «Վուլվերհեմպտոն» – «Վոթֆորդ» հանդիպումների մասին է, որոնք պետք է կայանային դեկտեմբերի 26-ին։

Հաղորդվում է, որ կորոնավիրուսի համաճարակ է բռնկվել «Լիդսի» և «Վոթֆորդի» ճամբարում։

Նշենք, որ դեկտեմբերի 12-ից սկսած` Պրեմիեր լիգայի շրջանակում հետաձգվել է արդեն 11 հանդիպում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am