Չեմպիոնների լիգայում 29 տարի անց կրկին նորզելանդացի ֆուտբոլիստ գոլի հեղինակ է դարձել🎥

Չեմպիոնների լիգայի 3-րդ տուրում «Ցրվենա Զվեզդան» G խմբի շրջանակում հյուրընկալվելիս 1:3 հաշվով պարտվեց «Լայպցիգին»։

Սերբական ակումբի միակ գոլը 70-րդ րոպեին խփեց նորզելանդացի կիսապաշտպան Մարկո Ստամենիչը։

Mister Chip-ը հայտնում է, որ Ստամենիչը 29 տարվա դադարից հետո դարձավ առաջին նորզելանդացի ֆուտբոլիստը, ով գոլ է խփում Չեմպիոնների լիգայի շրջանակում։

Նոր Զելանդիայի` մրցաշարի շրջանակում գոլի հեղինակ դարձած վերջին ներկայացուցիչը եղել է «Վերդերի» նախկին հարձակվող Ունթոն Ռուֆերը։

Ռուֆերը Չեմպիոնների լիգայի շրջանակում անցկացրած 10 խաղում խփել է 8 գոլ։

Ռուֆերը մրցաշարում իր վերջին գոլը խփել է 1994 թ. մարտի 16-ին «Միլանի» դեմ կայացած տնային խաղում (1:1)։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am