Շերիֆի դարպասապահի վիճակագրությունը Ռեալի դեմ խաղում

Չեմպիոնների լիգայի 2-րդ տուրում մոլդովական «Շերիֆը» D խմբի շրջանակում գերխոշոր անակնկալ մատուցեց` հյուրընկալվելիս 2:1 հաշվով հաղթելով «Ռեալ Մադրիդին»։

«Շերիֆի» կազմից ֆանտաստիկ հանդիպում անցկացրեց հույն դարպասապահ Գեորգիոս Աթանասիադիս, ով մի շարք դեպքերում պարզապես հրաշքներ գործեց դարպասային գծի վրա։

Այժմ ներկայացնում ենք 28-ամյա ֆուտբոլիստի վիճակագրությունը «Ռեալի» դեմ կայացած խաղում։

Աթանասիադիս հեղինակավոր Whoscored կայքի կողմից ստացել է 8.59 գնահատականը, ինչը երկու թիմերի կազմերում լավագույն ցուցանիշն է։

Բացի դրանից, հույն դարպասապահն ՈՒԵՖԱ-ի կողմից ճանաչվել է հանդիպման լավագույն ֆուտբոլիստ` ստանալով հատուկ մրցանակ։

Աթանասիադիսը «արքայական» ակումբի դեմ խաղում կատարել է 10 սեյվ, որոնցից 6-ը տուգանային հրապարակի սահամաններից կատարված հարվածներից հետո, 34 փոխանցում` 67.7% ճշգրտությամբ, 19 երկար փոխանցում, որոնցից 8-ը հասել է հասցեատիրոջը։

Հատկանշական է, որ Աթանասիադիսը «Շերիֆի» կազմում բոլորից շատ է կատարել փոխանցում։

Հույն դարպասապահը 1 անգամ էլ կասեցրել է մրցակցի գրոհը, ինչպես նաև նույնքան անգամ գնդակը բռունցնքերով հեռացրել է սեփական տուգանային հրապարակից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am