Մեկ գնդակով` երկու նպաստակ. Մեսսին մեկ գոլով երկու տպավորիչ ցուցանիշ է գրանցել

Մեկ գնդակով` երկու նպաստակ. Մեսսին մեկ գոլով երկու տպավորիչ ցուցանիշ է գրանցել

11/10/2021 - 15:56

Աշխարհի առաջնության որակավորման փուլի Հարավային Ամերկայի գոտու 11-րդ տուրի շրջանակում Արգենտինայի հավաքականը 3:0 հաշվով վստահ հաղթանակ տոնեց Ուրուգվայի ընտրանու նկատմամբ։

Հանդիպման 38-րդ րոպեին «ալբիսելեստեի» կազմից հաշիվը բացել է թիմի ավագ և առաջատար Լեո Մեսսին։

Այդ գոլի շնորհիվ 34-ամյա հարձակվողը միանգամից երկու տպավորիչ ցուցանիշ է գրանցել։

Բանն այն է, որ, ինչպես տեղեկացնում է BBC-ն, Մեսսին հավաքականի կազմում խփել է իր 80-րդ գնդակը։

Այդ ցուցանիշի շնորհիվ նա դարձել է առաջին լատինաամերիկացի ֆուտբոլիստը, ում հաջողվել է հավաքականի կազմում խփել այդքան գոլ։ Մեսսին հաջորդում է Պելեն, ով Բրազիլիայի հավաքականի կազմում հեղինակել է 77 գոլ։

Բացի դրանից, ֆուտբոլի պատմության շրջանակում Մեսսին դարձել է միայն հինգերորդ ֆուտբոլիստը, ով իր հավաքականի կազմում հատում է 80 գոլի սահմանագիծը։

Նախկինում նման նվաճման հասել են Կրիշտիանու Ռոնալդուն (Պորտուգալիա, 112 գոլ), Ալի Դաեի (Իրան, 109), Մոխտար Դահարի (Մալազիա, 89) և Ֆրենց Պուշկաշը (Հունգարիա, 84)։

Mister Chip-ն էլ հայտնում է, որ Լեո Մեսսին աշխարհի առաջնության ընտրական փուլերի շրջանակում իր խփած գոլերի քանակը հասցրել է 27-ի։

Աշխարհի առաջնության որակավորման փուլերի պատմության լավագույն ռմբարկուների պայքարում Մեսսին այժմ 5-7-րդ հորիզոնականները կիսում է Ռոբերտ Լևանդովսկու (Լեհաստան) և Կաձույոսի Միուրայի հետ (Ճապոնիա)։

39 գոլով լավագույն ռմբարկուն Կարլոս Ռուիսն է (Գվատեմալա), ում հաջորդում են Ալի Դաեին (35 գոլ), Կրիշտիանու Ռոնալդուն (33 գոլ) և Կարիմ Բեգերին (Իրան, 28)։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023