Մանչեսթեր Յունայթեդը հիանալի խաղով կանգնեցրեց Արսենալին` հաղթելով «զինագործներին» 🎥

Մանչեսթեր Յունայթեդը հիանալի խաղով կանգնեցրեց Արսենալին` հաղթելով «զինագործներին» 🎥

04/09/2022 - 21:25

Անգլիական Պրեմիեր լիգայի 6-րդ կենտրոնական խաղում «Մանչեսթեր Յունայթեդն»` «Օլդ Թրաֆորդ» մարզադաշտում, մրցեց «Արսենալի» դեմ։

Հանդիպման մեկնարկում «Արսենալն» ուներ խաղային առավելություն և արդեն 12-րդ րոպեին Գաբրիել Մարտինելիի ջանքերով Միկել Արտետայի թիմը բացեց հաշիվը, սակայն գլխավոր մրցավար Փոլ Թիրնին դիտեց դրվագի տեսակրկնապատկերը և կանոնների խախտման պատճառով չարձանագրեց դարպասի գրավումը։

Խփած գոլից հետո էլ հյուրերն ունեին խաղային առավելություն, սակայն 35-րդ րոպեին «կարմիր սատանաները» նետվեցին կտրուկ հակագրոհի, որը եզրափակեց թիմի նորեկ Անթոնին` առաջ մղելով մանկունյական ակումբին։

Նախքան ընդմիջում այլևս գոլեր չգրանցվեցին։

Երկրորդ կեսի մեկնարկում էլ լոնդոնյան ակումբն ուներ տարածքային մեծ առավելություն, ինչի արդյունքում 60-րդ րոպեին Բուկայո Սակայն հավասարեցրեց հաշիվը։

Այդուհանդերձ, «զինագործների» ուրախությունը շատ կարճ տևեց, քանի որ Էրիկ Տեն Հագի սաները 66-րդ րոպեին կրկին արագ հակագրոհ զարգացրին և հաշիվը դարձրին 2:1. աչքի ընկավ Մարկուս Ռեշֆորդը` եզրափակելով Բրունո Ֆերնանդեշի հիանալի փոխանցումը։

75-րդ րոպեին էլ Բրունոն Քրիստիան Էրիկսենին ու Ռեշֆորդին մեն-մենակ դուրս բերեց Արոմ Ռամսդեյլի դիմաց, ինչի արդյունքում անգլիացի հարձակվողն էլ մեծացրեց տանտերերի առավելությունը` դնելով հանդիպման վերջակետը։

Այսպիսով, «Մանչեսթեր Յունայթեդը» հաղթեց 3:1 հաշվով, ընդհատեց «Արսենալի» հաղթարշավն ու վաստակեց 12 միավոր` բարձրանալով 5-րդ հորիզոնական։

«Արսենալը»,15 միավորով, շարունակում է գլխավորել մրցաշարային աղյուսակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023