Կարմիր քարտեր և բախում Ինտերի ու Յուվենտուսի ֆուտբոլիստների միջև 🎥

Իտալիայի գավաթի կիսաեզրափակիչի առաջին խաղում «Ինտերը» հյուրընկլավելիս մրցեց «Յուվենտուսի» դեմ. գրանցվեց 1:1 հաշիվը։

Հանդիպման վերջնամասում կողմերի միջև կրքերը կտրուկ բորբոքվեցին։

Ամեն ինչ սկսվեց, երբ 90+5-րդ րոպեին «ներաձուրիների» հաձակվող Ռոմելու Լուկակուն 11-մետրանոցից աչքի ընկնելուց հետո ցուցադրական ժեստ ցույց տվեց թուրինյան ակումբի երկրպագուներին` պահանջելով նրանց լռել։

Հավանաբար, այդ դրվագում բելգիացի ֆուտբոլիստն ինչ-որ վիրավորական արտահայտություններ թույլ տվեց, ինչից հետո գլխավոր մրցավար Դավիդե Մասան նրան երկրորդ դեղին քարտը ցույց տվեց և հեռացրեց դաշտից։

Այդ դրվագից հետո հանդիպումը մի քանի րոպեով ընդհատվել էր, քանի որ միլանյան ակումբի ֆուտբոլիստները փորձում էին պարզել` ինչու կարմիր ստացավ Լուկակուն։

Մրցավարի եզրափակիչ սուլիչից հետո էլ կրքերը չհանդարտվեցին։ Երկու ակումբների ֆուտբոլիստների միջև բախում տեղի ունեցավ, ինչի հետևանքով Մասան կարմիր քարտ ցույց տվեց նաև «Յուվենտուսի» պաշտպան Խուան Կուադրադոյին և «Ինտերի» դարպասապահ Սամիր Հանդանովիչին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am