Ինտերը հետաքրքրված է մի շարք հարձակվողների ծառայություններով

«Ինտերի» հարձակվող Ռոմելու Լուկակուն, ով «ներաձուրիների» կազմում հանդես է գալիս վարձավճարով, ընթացիկ մրցաշրջանի ավարտից հետո կվերադառնա «Չելսի»։

Ինչպես տեղեկացնում է La Gazzetta dello Sport-ը, միլանյան ակումբի ղեկավարությունն ու մարզչական շտաբը դժգոհ են բելգացի ֆուտբոլիստի խաղից։

«Ներաձուրիները» կարծում են, որ 20 միլիոն եվրո ընդհանուր գումարը, որն ակումբը ծախսել է Լուկակուի վարձակալության դիմաց, չի համապատասխանում նրա խաղամակարդակին։

Աղբյուրի փոխանցմամբ` «Ինտերն» սկսել է փոխարինող փնտրել Լուկակուի համար:

Ստեղծված իրավիճակում միլանյան ակումբը հետաքրքրված է շարք կենտրոնական հարձակվողների ծառայություններով։

Խոսքը Ռոբերտո Ֆիրմինոյի («Լիվերպուլ»), Մարկուս Թյուրամի («Բորուսիա Մյոնխենգլադբախ»), Մատեո Ռետեգիի («Տիգրե», Արգենտինա) և Լեո Օպենդայի («Լանս») մասին է։

Նշենք, որ Թյուրամին և Ֆիրմինոյին «Ինտերը» կարող է ձեռք բերել անվճար, քանի որ վերջիններս ընթացիկ մրցաշրջանի ավարտի դառնալու են ազատ գործակալ։

Ինչ վերաբերում է Ռետեգիին, ապա իտալացի հարձակվողի տրանսֆերային իրավունքները պատկանում են «Բուկա Խունիորսին», որի հետ գործող պայմանագրում կա հրաժագնի կետ. այն կազմում է 18 մլն եվրո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am