Թրիլլեր «Էլ Սադարում». Ռեալն անչափ մոտեցավ չեմպիոնությանը` հաղթելով Օսասունային🎥

Թրիլլեր «Էլ Սադարում». Ռեալն անչափ մոտեցավ չեմպիոնությանը` հաղթելով Օսասունային🎥

21/04/2022 - 01:28

Իսպանական Լա լիգայի 33-րդ տուրում «Ռեալ Մադրիդը» հյուրընկալվելիս մրցեց «Օսասունայի» դեմ։

Հանդիպումը բավական բուռն մեկնարկեց, ու կողմերը փոխանակվեցին խփած մեկական գնդակով։

Նախ 12-րդ րոպեին «արքայական» ակումբին առաջ մղեց Դավիդ Ալաբան, ապա հաջորդ իսկ գրոհին` 13-րդ րոպեին, պամպլոնացիների պատասխան գոլը խփեց Անտե Բուդիմիրը։

Այդուհանդերձ, նախքան ընդմիջման գնալը` 45+1-րդ րոպեին, Մարկո Ասենսիոն կրկին առաջ մղեց Կառլո Անչելոտիի թիմին։

Կողմերն ընդմիջման գնացին 2:1 հաշվի պայմաններում։

Երկրորդ խաղակեսի մեկնարկում` 52-րդ ու 59-րդ րոպեներին, հանդիպման գլխավոր մրցավար Ռիկարդո դե Բուրգոս Բենգոեչեան երկու անգամ 11-մետրանոց նշանակեց «Օսասունայի» դարպասին։

Գնդակին երկու անգամ մոտեցավ Կարիմ Բենզեման, սակայն երկու դեպքում էլ տանտերերին փրկեց դարպասապահ Սերխիո Էրերան։

Խաղավերջում, ի վերջո, հյուրերը խփեցին իրենց երրորդ գոլը.90+6-րդ րոպեին աչքի ընկավ Լուկաս Վասկեսը։

Այսպիսով, «Ռեալը» հաղթեց 3:1 հաշվով, ինչից հետո վաստակեց 78 միավոր և շարունակում են գլխավորել մրցաշարային աղյուսակը։

«Օսասունան», 44 միավորով, 9-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023