Դրամա Մադրիդում. Ռեալը comeback արեց Ատլետիկոյի դեմ խաղում` դուրս գալով գավաթի կիսաեզրափակիչ🎥

Դրամա Մադրիդում. Ռեալը comeback արեց Ատլետիկոյի դեմ խաղում` դուրս գալով գավաթի կիսաեզրափակիչ🎥

27/01/2023 - 02:33

Իսպանիայի գավաթի 1/4 եզրափակիչի շրջանակում «Ռեալ Մադրիդը» «Սանտիագո Բերնաբեու» մարզադաշտում մրցեց «Ատլետիկո Մադրիդի» դեմ։

Առաջին կեսը անցավ հիմնականում իներտ և հետախուզական պայքարում, սակայն «հնդկացիներին» հաջողվեց ունեցած միակ իրական գոլային պահը վերածել դարպասի գրավման. 19-րդ րոպեին բազմաքայլ գրոհը եզրափակեց Ալվարո Մորատան։

Երկրորդ խաղակեսում «արքայական» ակումբը նետվեց առաջ` կորցրածը հետ բերելու։

Ճիշտ է, Կառլո Անչելոտիի թիմը տևական ժամանակ ուներ տարածքային և խաղային առավելություն, սակայն դրանք իրական գոլային պահերի վերածել չէր ստացվում։

69-րդ րոպեին «Պապա Կառլոն» դաշտ է դուրս բերում իր փրկչին` Ռորդիգո Գոյեսին, ով 10 րոպե անց հիասքանչ անցում ձեռնարկեց և գրավեց Յան Օբլակի պաշտպանած դարպասը` հավասարեցնելով հաշիվը։

Խաղավերջում երկու ակումբներն էլ կարող էին հաղթանակ կորզել, սակայն հիմնական ժամանակում այլևս գոլեր չգրանցվեցին, որն ավարտվեց 1:1 հաշով, ինչից հետո խաղը շարունակցեց լրացուցիչ ժամանակում։

Լրացուցիչ ժամանակում ամեն ինչ գլխիվայր շուռ եկավ Դիգեո Սիմեոնեի թիմի համար, քանի որ կենտրոնական պաշտպան Ստեֆան Սավիչը 97-րդ ու 99-րդ րոպեներին երկու անգամ պատժվեց դեղին քարտով ու հեռացվեց դաշտից։

Տանտերերին ընդամենը 5 րոպե անհրաժեշտ եղավ` քանակական առավելությունից օգտվելու համար. 104-րդ րոպեին գոլի հեղինակ դարձավ Կարիմ Բենզեման։

120+2-րդ րոպեին էլ Վինսիուսը դրեց հանդիպման վերջակետը` 3:1։

Այսպիսով, «Ռեալը» ծանր պայքարում հաղթեց 3:1 հաշվով «Ատլետիկոյին»` դուրս գալով Իսպանիայի գավաթի կիսաեզրափակիչ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023