Գատուզո. «Հպարտանում եմ Վալենսիայով. ցույց տվեցինք, որ հմուտ թիմ ենք»

Իսպանիայի Սուպերգավաթի կիսաեզրափակիչում «Վալենսիան» 11-մետրանոցներով պարտվեց «Ռեալ Մադրիդին»։

Հանդիպումից հետո իր տպավորություններով է կիսվել «չղջիկների» գլխավոր մարզիչ Ջենարո Գատուզոն.

«Ես հպարտանում եմ «Վալենսիայով» և նրանով, թե ինչպես խաղացինք։ Մենթալիտետի տեսանկյունից հիանալի տեսք ունեինք. հենց այդ ճանապարհով պետք է առաջ շարժվել։ Մրցաշրջանի ընթացքում մեզ հաճախ դա չէր բավականացնում և պետք է նույն ոգով շարունակենք։

Մենք երիտասարդ թիմ ունենք, սակայն ցույց տվեցինք, որ հմուտ ենք շատ։ 120 րոպե անցկացրինք հիանալի թիմի դեմ, շատ վազեցինք և աշխատեցինք, ուստի հոգնածությունը նորմալ է։

Մենք այս խաղում խաղացինք մի մարտավարական սխեմայով, որը նախորդ 4 ամիսների ընթացքում երբեք չէինք կիրառել։ Մենք լավ էինք պատրաստվել այս հանդիպմանը և «Ռեալին» հավասար գոլային պահեր ունեցանք»,- իտալացի մասնագետի խոսքերը մեջբերում է Mundo Deportivo-ն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am