Անգլիական մի շարք ակումբներ հետաքրքրված են Միլինկովիչ-Սավիչի ծառայություններով

«Լացիոյի» կիսապաշտպան Սերգեյ Միլինկովիչ-Սավիչը, հնարավոր է, շուտով փոխի ակումբային գրանցումը։

Ինչպես տեղեկացնում է CalcioMercato-ն, Միլինկովիչ-Սավիչի գործակալ Մատեա Կեժմանը 28-ամյա ֆուտբոլիստի տրանսֆերի վերաբերյալ առաջարկներ է ստացել «Արսենալից», «Վեսթ Հեմից» և «Նյուքասլից»։

Աղբյուրի փոխանցմամբ` վերոնշյալ ակումբները սերբ ֆուտբոլիստի տրանսֆերի դիմաց պատրաստ են վճարել 40 մլն եվրո։

Նշենք, որ ավելի վաղ «Լացիոյի» սեփականատեր Կլաուդիո Լոտիտոն հայտարարել է, որ Միլինկովիչ-Սավիչին կվաճառի միայն այն դեպքում, եթե նրա դիմաց ակումբներն առաջարկեն նվազագույնը 120 մլն եվրո։

Հավելենք, որ սերբ կիսապաշտպանն «արծիվների» կազմում հանդես է գալիս 2015 թ. օգոստոսից` անցկացրած 324 խաղում դառնալով 64 գոլի և 59 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am