Ամերիկյան գրանդը, Բեյլի տրանսֆերի հարցում, բանակցություններ է սկսել Ռեալի հետ

«Ռեալ Մադրիդի» վինգեր Գարեթ Բեյլը, ով 2020/21 մրցաշրջանը վարձավճարով անցկացրեց «Տոտենհեմի» կազմում, հնարավոր է, կարիերան շարունակի ամերիկյան ՄԼՍ-ում։

Ինչպես տեղեկացնում է իտալացի ինսայդեր Նիկոլո Սկիրան, «Լոս-Անջելես Գալաքսին» բանակցություններ է սկսել «Ռեալի» հետ վալիացի ֆուտբոլիստի տեղափոխության հարցում։

Սկիրան այլ մանրամասներ չի հայտնում. միայն գրում է, որ 31-ամյա ֆուտբոլիստը Եվրո-2020-ի ավարտից հետո վերադառնալու է «արքայական» ակումբ, սակայն «Ռեալի» նորանշանակ գլխավոր մարզիչ Կառլո Անչելոտին նրա հետ այլևս հույսեր չի կապում։

Հավելենք, որ Գարեթ Բեյլը դեևռս մեկ տարվա պայմանագիր ունի մադրիդյան ակումբի հետ, որն ավարտվում է 2022 թ. հունիսի 30-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am