Ամռանը Ռեալը տրանսֆերի կհանի Բեյլին ու Իսկոյին

Ամռանը Ռեալը տրանսֆերի կհանի Բեյլին ու Իսկոյին

14/02/2021 - 16:21

Ինչպես տեղեկացնում է լրագրող Ֆաբրիցիո Ռոմանոն, «Ռեալը» ցանկանում է ամառային տրանսֆերային պատուհանի ժամանակ վաճառքի հանել թիմի վինգեր Գարեթ Բեյլին և հարձակվողական ոճի կիսապաշտպան Իսկոյին։

«Տոտոնհեմը», որի կազմում այս պահին վարձավճարով հանդես է գալիս ուելսցի ֆուտբոլիստը, դժգեհ է վերջինիս ելույթներից լոնդոնյան ակումբի կազմում, և եթե վարձավճարի ավարտից հետո «շնաձկները» չգնեն 31-ամյա ֆուտբոլիստի տրանսֆերային իրավունքները կամ չերկարաձգեն վարձավճարի ժամկետները, ապա, ամենայն հավանականությամբ «սերուցքայինները» կվաճառեն նրան ամռանը։

Ինչ վերաբերում է Իսկոյին, ապա վելի վաղ հայտնել էինք, որ իսպանացին արդեն տեղեկացրել է մադրիդյան ակումբի ղեկավարությանը, որ ցանկանում է փոխել ակումբային գրանցումը՝ նպատակ ունենալով ստանալ ավելի շատ խաղաժամանակ։ Իսպանացին ցանկանում է հավաքականի կազմում հանդես գալ Եվրոպայի առաջնությանը, այդ իսկ պատճառով նրան պետք է կանոնավոր կերպով դուրս գալ խաղադաշտ։

Իսկոյի ծառայություններով հետաքրքրված են «Յուվենտուսը», «Մանչեսթեր Սիթին» և «Նապոլին», սակայն ֆուտբոլիստն անձամբ իր ապագան տեսնում է Խուլիեն Լոպետեգիի գրխավորած «Սևիլիայի» կազմում։ Խնդիրն այն է, որ մադրիդյան ակումբը կիսապաշտպանի դիմաց նվազագույնը 50 մլն եվրո է պահանջում։

Տեղեկացնենք, որ ընթացիկ մրցաշրջանում «Տոտենհեմի» կազմում բոլոր խաղերի կտրվածքով Բեյլը մասնակցել է 16 հանդիպման՝ դառնալով 4 գոլի հեղինակ։

Իր հերթին, Իսկոն «Ռեալի» կազմում անցկացրած 15 հանդիպումերում դարձել ընդամենը 1 արդյունավետ փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023