ԱԱ-2022. Մարոկկոն շարունակում է հիացնել` հաղթելով նաև Կանադային🎥

ԱԱ-2022. Մարոկկոն շարունակում է հիացնել` հաղթելով նաև Կանադային🎥

01/12/2022 - 21:08

ԱԱ-2022-ի F խմբի 3-րդ տուրում Մարոկկոյի հավաքականը Դոհայի «Ալ Թամումա» մարզադաշտում մրցեց Կանադայի դեմ։

Մարոկկացիները պարզապես սառը ցնցուղ էին պատրաստել մրցակցի համար` 23-րդ րոպեի դրությամբ ստանալով երկու գնդակի առավելություն։

Վալիդ Ռեգրաուրիի թիմի կազմից 4-րդ ու 23-րդ րոպեներին աչքի ընկան համապատասխանաբար Հակիմ Զիեշն ու Յուսեֆ Էն-Նեսիրին։

Առաջին կեսի վերջնամասում կանադացիները մեկ գնդակ հետ բերեցին. 40-րդ րոպեին ինքնագոլի հեղինակ դարձավ Նայեֆ Ագերտը։

Երկրորդ կեսում Ջոն Հերդմանի թիմը մոտ էր ոչ-ոքի կորզելուն, սակայն Կանադայի վետերան ավագ Աթիբա Հաթչինսոնի հարվածից հետո գնդակը դիպավ դարպասաձողին։

Ամեն դեպքում, Մարոկկոն հաղթեց 2:1 հաշվով։

Այս խմբում կայացել է ևս մեկ հանդիպում.

Բելգիա 0:0 Խորվաթիա

F խմբի մրցաշարային աղյուսակը 3-րդ տուրից հետո վերջնական ստացավ հետևյալ տեսքը.

  1. Մարոկկո – 7 միավոր
  2. Խորվաթիա – 5 միավոր
  3. Բելգիա – 4 միավոր
  4. Կանադա – 0 միավոր

Այսպիսով, Մարոկկոյի ու Խորվաթիայի հավաքականները նվաճեցին 1/8 եզրափակիչի ուղեգիր, իսկ Բելգիան ու Մարոկկոն ուղևորվում են տուն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023