Օբամեյանգը նույնպես սրտի հետ խնդիրներ ունի և լքել է Գաբոնի հավաքականի ճամբարը

Օբամեյանգը նույնպես սրտի հետ խնդիրներ ունի և լքել է Գաբոնի հավաքականի ճամբարը

15/01/2022 - 11:48

«Արսենալի» հարձակվող Պիեր-էմերիկ Օբամեյանգը Գաբոնի հավաքականի կազմում չի մասնակցի Աֆրիկայի Ազգերի գավաթի հանդիպումերին։

Ինչպես տեղեկացնում է Գաբոնի ֆուտբոլի ֆեդերացիայի Twitter-ի պաշտոնական էջը, 32-ամյա ֆուտբոլիստի մոտ կորոնավիրուսով վարակվելուց հետո ի հայտ են եկել սրտի հետ կապված խնդիրներ, ինչի հետևանքով Օբամեյանգը լքել է հավաքականի ճամբարը։

Նման խնդիր ունեն նաև Գաբոնի հավաքականի ևս երկու ֆուտբոլիստներ` Մարիո Լեմինան և Աքսել Մեյեն։

Հավելենք, որ Օբամեյանգն ու Լեմինան հավաքականին միանալուց առաջ եղել են Դուբայում և այնտեղ մասնակցել ինչ-որ խնջույքի, ինչից հետո հանձնել են կորոնավիրուսի թեստ, որը եղել է դրական։

Հիշեցնենք, որ հունվարի 14-ին հայտնի դարձավ, որ «Բավարիայի» աջ պաշտպան Ալֆոնսո Դևիսը նույնպես սրտի հետ խնդիրներ ունի։

Մյունխենյան ակումբի գլխավոր մարզիչ Յուլիան Նագելսմանը հայտարարեց, որ նրա մոտ սրտամկանի բորբոքում է ախտորոշվել. կասկածվում է, որ կանադացի լատերալի մոտ այդ խնդիրն առաջացել է կորոնավիրուսի հետևանքով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022