Սերխիո Ագուերոն, հնարավոր է, ավարտի կարիերան

Սերխիո Ագուերոն, հնարավոր է, ավարտի կարիերան

12/11/2021 - 16:31

«Բարսելոնայի» հարձակվող Սերխիո Ագուերոյի հետագա կարիերան վտանգված է` սրտի հետ խնդիրների հետ կապված։

Ինչպես տեղեկացնում է AS-ը` հղում կատարելով Catalunya Radio-ին, վերջին հետազոտությունները ցույց են տվել, որ արգենտինացի ֆուտբոլիստի սրտի խնդիրները սպասվածից ավելի լուրջ են։

Աղբյուրի փոխանցմամբ` 33-ամյա ֆուտբոլիստին բժիշկները տեղյակ են պահել, որ, հնարավոր է, նա չկարողանա այլևս շարունակել կարիերան։

Հիշեցնենք, որ հոկտեմբերի 30-ին Լա լիգայի 12-րդ տուրի շրջանակում կայացած «Բարսելոնա» 1:1 «Ալավես» հանդիպման առաջին խաղակեսի վերջնամասում Սերխիո Ագուերոն իրեն վատ է զգացել, ինչից հետո փոխարինվել է։

Հետագայում կատալոնական ակումբը պաշտոնական հայտարարություն տարածեց, որ արգենտինացի հարձակվողը փոխարինվել է հաճախասրտության` տախիկարդիայի պատճառով։

Ըստ նախնական տեղեկությունների` Ագուերոն շարքից դուրս է մնացել նվազագույնը 3 ամսով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022