ՄՅՈՒ-ն բանակցություններ է սկսել Գերմանիայի հավաքականի պաշտպանին ձեռք բերելու շուրջ

ՄՅՈՒ-ն բանակցություններ է սկսել Գերմանիայի հավաքականի պաշտպանին ձեռք բերելու շուրջ

21/06/2022 - 15:10

«Հոֆֆենհայմի» ձախ պաշտպան Դավիդ Ռաումը, հնարավոր է, կարիերան շարունակի «Մանչեսթեր Յունայթեդի» կազմում։

Ինչպես տեղեկացնում է Sky Sport Deutschland-ի լրագրող Ֆլորիան Պլատենբերգը, 24-ամյա ֆուտբոլիստի տրանսֆերի հարցում մանկունյական ակումբն արդեն բանակցություններ է սկսել «գյուղացիների» հետ։

Այդուհանդերձ, կողմերը դեռևս մոտ չեն համաձայնության հասնելուց։

Հաղորդվում է, որ Զինսհայմը ներկայացնող ակումբը գերմանացի պաշտպանի վաճառքից ցանկանում է վաստակել նվազագույնը 30-35 մլն եվրո։

Հավելենք, որ ավելի վաղ Ռաումի ծառայություններով հետաքրքրված եղել են «Նյուքասլը», «Վեսթ Հեմն» ու «Բորուսիա Դորտմունդը»։

Նշենք, որ Դավիդ Ռաումը Բունդեսլիգայի ավարտված մրցաշրջանում անցկացրած 32 խաղում դարձել է 3 գոլի և 11 գոլային փոխանցման հեղինակ։

24-ամյա պաշտպանը 9 հանդիպում էլ անցկացրել է Գերմանիայի հավաքակազմում` կատարելով 2 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022