Մայքլ Կարիկը 15 տարի անց հեռացավ Մանչեսթեր Յունայթեդից

Մայքլ Կարիկը 15 տարի անց հեռացավ Մանչեսթեր Յունայթեդից

03/12/2021 - 15:58

Անգլիական Պրեմիեր լիգայի 14-րդ տուրի կենտրոնական խաղում «Մանչեսթեր Յունայթեդը» սեփական հարկի տակ 3:2 հաշվով հաղթեց «Արսենալին»։

Հանդիպումից հետո «կարմիր սատանաները» պաշտոնապես հայտարարեցին, որ ակումբի գլխավոր մարզչի պաշտոնակատար Մայքլ Կարիկը հեռացել է ակումբից։

Անգլիացի մասնագետին մանկունյական ակումբի ղեկին կփոխարինի Ռալֆ Ռանգնիկը, ով «Յունյաթեդի» հետ պայմանագիր է կնքել մինչև 2022 թ. հունիսի 30-ը։

Այսպիսով, Մայքլ Կարիկը 15 տարի անց հեռացավ «Մանչեսթեր Յունայթեդից»։

Նախկին կիսապաշտպանը, որպես ֆուտբոլիստ, 2006-2018 թթ. հանդես է եկել «Մանչեսթեր Յունայթեդում», որի կազմում անցկացրել է 464 հանդիպում` դառնալով 24 գոլի և 37 գոլային փոխանցման հեղինակ։

2018 թ. սկսած` Կարիկն ընդգրկված էր հարազատ ակումբի մարզաչական շտաբում և աշխատել է Ժոզե Մոուրինիոյի, ապա նաև Օլե-Գունար Սուլշերի հետ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022