Բարսելոնան տեղեկություն է հայտնել Արաուխոյի առողջական վիճակի մասին

Բարսելոնան տեղեկություն է հայտնել Արաուխոյի առողջական վիճակի մասին

11/05/2022 - 10:03

Իսպանական Լա լիգայի 36-րդ տուրում «Բարսելոնան» սեփական հարկի տակ 3:1 հաշվով հաղթեց «Սելտային»։

Հանդիպման 63-րդ րոպեին կատալոնական ակումբի ֆուտբոլիստներ Ռոնալդ Արաուխոն ու Գավին խաղային դրվագում գնդակը հեռացնելիս, չնկատելով միմյանց, գլուխ-գլխի բախվեցին միմյանց, ինչի հետևանքով ուրուգվայցի պաշտպանը վայրկյաններ անց ուշագնաց եղավ։

Հանդիպումն այդ դրվագի պատճառով տևական ժամանակ դադարեցվել էր, իսկ Արաուխոյին խաղադաշտից հեռացրին միայն շտապօգնության մեքենայի օգնությամբ։

Ինչպես տեղեկացնում է «բլաուգրանայի» Twitter-ի պաշտոնական էջը, 23-ամյա պաշտպանի մոտ ախտորոշվել է ուղեղի ցնցում։ Նա տեղափոխվել է հոսպիտալ` լրացուցիչ հետազոտությունների։

Լրագրող Դավիդ Բերնաբեու Ռևերտերն էլ հայտնում է, որ Արաուխոն ուշքի եկել և վիճակը կայուն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022