Արսենալ – ՊՍՎ հանդիպումը հետաձգվել է

Արսենալ – ՊՍՎ հանդիպումը հետաձգվել է

12/09/2022 - 17:46

Ինչպես տեղեկացնում է ՈՒԵՖԱ-ի պաշտոնական կայքը, Եվրոպա լիգայի խմբային փուլի 2-րդ տուրի «Արսենալ» – ՊՍՎ հանդիպումը հետաձգվել է։

ՈՒԵՖԱ-ի նման որոշումը կապված է` անվտանգության նկատառումներից ելնելով, քանի որ Լոնդոնում պատրաստվում են Եղիսաբեթ II թագուհու հուղարկավորության արարողությանը, որը տեղի է ունենալու սեպտեմբերի 19-ին։

Նշվում է, որ սգո արարողությունների անցկացման պատճառով մտավախություն կա, որ «Արսենալ» – ՊՍՎ հանդիպման անվտանգությունը դժվար կլինի ապահովել պատշաճ կերպով, ինչը պայմանավորված է ոստիկանների սակավ քանակով, քանի որ նրանք այժմ տեղակայված են Բուքինգհեմյան պալատում, որը Մեծ Բրիտանիայի թագավորական ընտանիքի նստավայրն է։

Հավելենք, որ «Արսենալ» – ՊՍՎ հանդիպումը պետք է կայանար սեպտեմբերի 15-ին` Լոնդոնի «Էմիրեյթս» մարզադաշտում։

Հանդիպման անցկացման ժամանակացույցի վերաբերյալ ՈՒԵՖԱ-ն հանդես կգա հավելյալ հայտարարությամբ։

Հիշեցնենք, որ սգո արարողությունների հետևանքով Անգլիայում հետաձգվել են նաև Պրեմիեր լիգայի 7-րդ տուրի բոլոր հանդիպումները։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022