Լապորտան պաշտոնապես դարձել է Բարսելոնայի նախագահ

Ինչպես տեղեկացնում է «Բարսելոնայի» պաշտոնական կայքը, Ժոան Լապորտան պաշտոնապես դարձել է ակումբի նախագահ։

Մարտի 17-ին տեղի է ունեցել նրա երդմնակալության արարողությունը, որին ներկա են եղել ակումբի նախկին նախագահներ Խոսեպ Մարիա Բարտոմեուն, Սանդրո Ռոսելը, Ժոան Գասպարը, Էնրիկ Ռեյնան, ակումբի ֆուբտոլիստներ Լեո Մեսսին, Ժերար Պիկեն, Սերժի Ռոբերտոն, «Բարսելոնայի» կանանց թիմի ու «Բարսելոնա Բ»-ի ֆուտբոլիստներ ու աշխատակիցներ, «բլաուգրանասի» բասկետբոլի, հանդբոլի և հոկեյի թիմերի ներկայացուցիչներ և այլք։

Հիշեցնենք, որ մարտի 7-ին տեղի ունեցած նախագահական ընտրություններում Ժոան Լապորտան հավաքել էր ձայների 54,28%-ը՝ առաջ անցնելով համապատասխանաբար Վիկտոր Ֆոնտից (29,29%) և Տոնի Ֆրեյշայից (8․58%):

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am