Playboy-ի նախկին մոդելը ձեռք է բերել ռումինական ակումբներից մեկը

Playboy-ի նախկին մոդելը ձեռք է բերել ռումինական ակումբներից մեկը

04/06/2020 - 12:22

Ամերիկյան ամենահեղինակավոր ամսագրերից մեկի՝ Playboy-ի նախկին մոդել Անամարիա Պրոդանը գումար է ներդրել ռումինական «Հերմանշտադտ» ակումբում։

Ավելի վաղ հայտնի էր դարձել, որ այդ ակումբը ֆինանսական լուրջ խնդիրներ ունի և խաղացողներին ու աշխատակիցներին պարտք է ավելի քան 700 հազար եվրո։ Պրոդանը ներդրում է կատարել այդ ակումբում՝ փրկելով սնանկ ճանաչվելուց։

Նշվում է, որ Անամարիա Պրոդանն ամուսնացած է ռումինացի ֆուտբոլային մարզիչ Լորենտիու Ռեգեկամֆի հետ և ակումբի ղեկավարմամբ զբաղվելու է նրանց ողջ ընտանիքը։

«Ակումբի ֆինանսիսական բաժնի աշխատակիցները համաձայնության են հասել Ռեգեկամֆների ընտանիքի հետ, որը ակումբի կյանքում լուրջ նշանակություն պետք է ունենա ինչպես ֆինանսական, այնպես էլ սպորտային տեսանկյունից։ Մենք ողջունում ենք Անամարիա Պրոդան-Ռեգեկամֆին՝ որպես մեր ֆուտոլային ակումբի ներդրող»,- նշվում է ակումբի պաշտոնական հայտարարության մեջ։

Ինչպես տեղեկացնում է ռումինացի լրագրող Էմանուել Ռոսուն, ակումբի սեփականատեր կդառնա Անամարիա Պրոդանի 21-ամյա դուստրը՝ Ռեբեկա Պրոդանը։

Նշենք, որ ներկայումս Անամարիա Պրոդանը ՖԻՖԱ-ի գործակալ է։

# ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023