Playboy-ի նախկին մոդելը մտադիր է ֆուտբոլային ակումբ ձեռք բերել
Ինչպես տեղեկացնում է GSP-ն, ամերիկյան աշխարհահռչակ Playboy ամսագրի նախկին մոդել Անամարիա Պրոդանը մտադիր է ֆուտբոլային ակումբ գնել։ Այդ ակումբը ռումինական «Հերմանշտադտն» է, որը ֆինանսական լուրջ խնդիրներ ունի։
Ներկայումս ակումբը հանդես է գալիս Ռումիայի բարձրագույն առաջնության փլեյ-օֆֆ-ում, որը հնարավորություն է տալիս պահպանել տեղը բարձրագույն առաջնությունում։ Աղբյուրի փոխանցմամբ՝ հնարավոր է, որ ակումբը չկարողանա ավարտին հասցնել առաջնությունը, քանի որ ակումբի ղեկավարությունը ավելի քան 700 հազար եվրո է պարտք ֆուտբոլիստներին և աշխատակիցներին։ Ակումբի ղեկավարները հայտարարություն են տարածել, որ շատ շտապ փնտրում են ներդրողների, ովքեր կփրկեն ակումբը։
Նախկին մոդելը պատրաստ է տրամադրել անհրաժեշտ գումարը և վերջերս հայտարարել էր, որ ցանկանում է ֆուտբոլային ակումբ ձեռք բերել։ Նշենք, որ 47-ամյա նախկին մոդելն այժմ ֆուտբոլային գործակալ է։ Հայտնի է, որ Պրոդանը երկրպագում է Բուխարեստի «Դինամոյին»։
# Անամարիա Պրոդան, Հերմանշտադտ, Ռումինայի առաջնություն