Marca. «Մեսսին դատական հայց կներկայացնի «Բարսելոնայի» երեք ներկայացուցիչների նկատմամբ»
«Բարսելոնայի» նախկին նախագահ Խոսեպ Մարիա Բարտոմեուն նույնպես անդրադարձել է կատալոնական ակումբի և թիմի առաջատար Լոե Մեսսիի միջև կնքված պայմանագրի մանրամասների արտահոսքին։
Ավելի վաղ հաղորդել էինք, որ արգենտինացի ֆուտբոլիստը պատրաստվում է մեղավորներին բացահայտել դատարանի միջոցով։
«Շատ լուրջ հարց է։ Բացահայտ ապօրինություն է հրապարակել պրոֆեսիոնալ պայմանագրի մանրամասները։
Ելույթ ունենալ հեռուստատեսությամբ և մեղադրանքներ տեղալ հեշտ է, սակայն մենք չենք կատակում, քանզի դործը կհասնի դատարան։
Ի դեպ, Մեսսին արժանի է այդ աշխատավարձին՝ թե’ պրոֆեսիոնալ, թե’ առևտրային հարաբերություններում։
Եթե չլիներ կորոնավիրուսային համաճարակը, ապա «Բարսայի» համար խնդիր չէր լինի վճարել նրան այդպիսի աշխատավարձ»,- Բարտոմեուի խոսքերն է մեջբերում Marca-ն։
Մեսսին պատրաստվում է դատական հայց ներկայացնել երեք անձանց նկատմամբ, ովքեր ունեցել են պայմանագրի մանրամասներին ծանոթանալում իրավունք։
Սրանից հետևում է, որ այդ մարդիկ են «Բարսելոնայի» նախկին նախագահ Բարտոմեուն, գործադիր տնօրեն Օսկար Գրաուն և ակումբի նախագահի ժամանակավոր պաշտոնակատար Կառլես Տուսկետսը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Բարսելոնա, Լեո Մեսսի, Խոսեպ Մարիա Բարտոմեու, Կառլես Տուսկետս, Օսկար Գրաու