Konami-ն հրապարակել է PES-21-ի ֆուտբոլիստների վարկանիշները

Ճապոնական հեղինականավոր Konami ընկերությունը, որն արտադրում է հանրահայտ Pro Evolution Soccer՝ PES, վիդեոխաղը, հրապարակել է խաղի 2021 թվականի տարբերակի լավագույն ֆուտբոլիստների վարկանիշները։

«Բարսելոնայի» ավագ Լեո Մեսսին, ինչպես FIFA-21-ում, այնպես էլ PES-21 կլինի լավագույնը․ արգենտինացին ստացել է 94 վարկանիշը։ Նրան հաջորդում են Կրիշտիանու Ռոնալդուն (93) և Ռոբերտ Լևանդովսկին (92), ինչպես նաև Կևին դե Բրոյնեն և Նեյմարը, որոնք նույնպես ստացել են 92 վարկանիշը։

Լավագույն տասնյակում տեղ են գտել նաև հետևյալ ֆուտբոլիստները․

Վիրջիլ վան Դեյկ – 91

Յան Օբլակ – 91

Կիլիան Մբապե – 91

Սադիո Մանե -90

Ալիսոն – 90

Սերխիո Ագուերո – 90

Սերխիո Ռամոս -90

Հավելենք, որ խաղի շնորհանդեսը կայանալու է այսօր՝ սեպտեմբերի 15-ին, որի շապիկին այս տարի հայտնվել են Լեո Մեսսին և Կրիշտիանու Ռոնալդուն։