Carabao Cup. Չելսին ու Տոտենհեմը դուրս եկան կիսաեզրափակիչ🎥

Carabao Cup. Չելսին ու Տոտենհեմը դուրս եկան կիսաեզրափակիչ🎥

23/12/2021 - 02:08

Անգլիայի Լիգայի գավաթի 1/4 եզրափակիչի շրջանակում «Չելսին» հյուրընկալվելիս մրցեց «Բրենթֆորդի» դեմ։

Չնայած «ազնվականները» ողջ հանդիպման ընթացքում ունեին տոտալ առավելություն` միայն խաղավարտին մոտ կարողացան բեկել հանդիպման ընթացքն ու երկու անպատասխան գնդալ ուղարկել մրցակցի դարպասը։

Նախ 80-րդ րոպեին «Բրենթֆորդի» պաշտպան Պոնտուս Յանսոնը գրավեց սեփական դարպասը, ապա 85-րդ րոպեին Ժորժինիոն դիպուկ իրացրեց 11-մետրանոցն ու դրեց հանդիպման վերջակետը։

Այսպիսով, Թոմաս Տուխելի սաները 2:0 հաշվով հաղթեցին «Բրենթֆորդին» և դուրս եկան Carabao Cup-ի կիսաեզրափակիչ։

Լոնդոնի հյուսիսում էլ «Տոտենհեմը» սեփական հարկի տակ մրցեց «Վեսթ Հեմի» դեմ։

Կողմերի միջև համառ պայքար ծավալվեց, որն ավարտվեց տանտերերի հաղթանակով` 2:1 հաշվով։

«Խցանների» կազմից մեկական անգամ աչքի ընկան Սթիվեն Բերգվեյնն ու Լուկաս Մոուրան, իսկ «Վեսթ Հեմի» գոլը խփեց Ջարեդ Բոուենը։

«Տոտենհեմը» նույնպես նվաճեց Անգլիայի Լիգայի գավաթի կիսաեզրափակիչի ուղեգիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022