Պաշտոնական. Բարսայի պաշտպանը տեղափոխվեց Լիդս

Ինչպես տեղեկացնում է «Լիդսի» պաշտոնական կայքը, ակումբը ձեռք է բերել «Բարսելոնայի» պաշտպան Խունիոր Ֆիրպոյին։

Աղբյուրի փոխանցմամբ` «Լիդսը» Ֆիրպոյի տրանսֆերի դիմաց «Բարսելոնային» վճարել է 15 մլն եվրո, իսկ 24-ամյա ֆուտբոլիստի հաջորդ վաճառքից կատալոնական ակումբը 20% մասնաբաժին կունենա։

Դոմենիկյան արմատներ ունեցող իսպանացի պաշտպանը յորքշիրյան ակումբի հետ կնքել է 4 տարվա պայմանագիր, որն ուժի մեջ կլինի մինչև 2025 թ. հունիսի 30-ը։

Խունիոր Ֆիրպոն «Բարսայի» կազմում հանդես էր գալիս 2019 թ. օգոստոսից և մինչ այս պահն ակումբի կազմում անցկացրել է 41 հանդիպում` դառնալով 2 գոլի և 3 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ միացե՛ք նաև GOALART-ի Telegram-ի ալիքին և մասնակցեք ֆուտբոլային տարբեր քննարկումներին` https://t.me/Golarat10