Հալանդ․ «Մեսսին և Ռոնալդուն, գուցե, պատմության լավագույն ֆուտբոլիստներն են»

Դորտմունդի «Բորուսիայի» հարձակվող Էրլինգ Հալանդն իր կարծիքն է հայտնել Կրիշտիանու Ռոնալդուի և Լեո Մեսսիի մասին․

«Այս պահին ես մտածում եմ միայն իմ մասին և ձգտում եմ դառնալ ավելի ու ավելի լավը։ Խոսելով Մեսսիի և Ռոնալդուի մասին՝ կարող եմ ասել, որ նրանք, գուցե, պատմության լավագույն ֆուտբոլիստներն են։

Ես դեռ սովորելու շատ բան ունեմ, որպեսզի դառնամ այնպիսին, ինչպիսին նրանք են»,- ասել է նորվեգացի ֆուտբոլիստը Dagbladet-ին տված հարցազրույցում, որն էլ մեջբերում է Football Italia-ն։

Ընթացիկ մրցաշրջանում 20-ամյա ֆուտբոլիստը դորտմունդյան ակումբի կազմում բոլոր խաղերի շրջանակում մասնակցել է 31 հանդիպման՝ դառնալով 33 գոլի և 8 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am