Ֆրանսիայի մղձավանջը շարունակվում է. «եռագույնները» սեփական հարկի տակ պարտվեցին Խորվաթիային🎥

Ազգերի լիգայի A դիվիզիոնի 1-ին խմբի 4-րդ տուրում` Փարիզի «Ստադ դե Ֆրանս» մարզադաշտում, միմյանց դեմ մրցեցին Ֆրանսիայի ու Խորվաթիայի հավաքականները։

Առաջ ընկնելով` նշենք, որ Դիդիե Դեշամի թիմը չորրորդ հանդիպումն անընդմեջ չկարողացավ հաղթանակ տոնել Ազգերի լիգայի ընթացիկ խաղարկության շրջանակում։

Դեռ ավելին` խորվաթները 5-րդ րոպեին Լուկա Մոդրիչի դիպուկ իրացրած 11-մետրանոցի շնորհիվ բացեցին խաղի հաշիվն ու այն պահեցին մինչև վերջ։

Հանդիպման հերոսներից դարձավ «շախմատայինների» դարպասապահ Իվիցա Իվուշիչը, ով կատարեց 5 սեյվ։

Այսպիսով, Զլատկո Դալիչի թիմն առավելության հասավ 1:0 հաշվով։

Նշենք, որ Խորվաթիայի հավաքականը պատմության մեջ առաջին անգամ հաղթեց Ֆրանսիային։

Հավելենք, որ A դիվիզիոնի 1-ին խմբում կայացավ ևս մեկ հանդպում.

Դանիա 2:0 Ավստրիա

Խումբը 4-րդ տուրից հետո ունի հետևյալ տեսքը.

1. Դանիա – 9 միավոր
2. Խորվաթիա – 7 միավոր
3. Ավստրիա – 4 միավոր
4. Ֆրանսիա – 2 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am