Պաշտոնական․ Բարսայի պաշտպանը տեղափոխվեց Լիգա 1-ը ներկայացնող ակումբ

Պաշտոնական․ Բարսայի պաշտպանը տեղափոխվեց Լիգա 1-ը ներկայացնող ակումբ

02/02/2021 - 11:42

Ինչպես տեղեկացնում է «Բարսելոնայի» պաշտոնական կայքը, ակումբի պաշտպան Ժան-Կլեր Տոդիբոն կարիերան կշարունակի ֆրանսիական Լիգա 1-ը ներկայացնող «Նիցցայի» կազմում։

Աղբյուրի փոխանցմամբ՝ ֆրանսիական ակումբը մինչև 2020/21 մրցաշրջանի ավարտը վարձակալել է 21-ամյա պաշտպանին, որի ավարտից հետո 8․5 մլն եվրոյի դիմաց խաղացողին գնելու իրավունք է ունենալու։

Այդ գումարին հետագայում կավելանա ևս 7 մլն եվրո՝ տարբեր բոնուսների տեսքով։

Հավելենք, որ «Նիցցան» իր վրա է վերցրել խաղացողի աշխատավարձը վճարելու պատասխանատվությունը։

Ժան-Կլեր Տոդիբոն «Բարսայի» շարքերը համալրել է 2019 թվականի հունվարին։

Այդ ժամանակ կատալոնական ակումբը երիտասարդ պաշտպանի դիմաց ֆրանսիական «Թուլուզին» վճարեց ընդամենը 1 մլն եվրո։

Այս ընթացքում կենտրոնական պաշտպանը «կապտանռնագույնների» կազմում անցկացրել է ընդամենը 5 պաշտոնական հանդիպում, ինչպես նաև վարձակալությամբ հասցրել է հանդես գալ «Շալկե-04»-ի ու «Բենֆիկայի» կազմում։

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023