Տիագո Մոտան մեկնաբանել է Բարսելոնան գլխավորելու մասին լուրերը

Ինչպես արդեն տեղեկացրել ենք, «Բարսելոնայի» գլխավոր մարզիչ Խավին հայտարարել է, որ 2023/24 մրցաշրջանից հետո հեռանալու է զբաղեցրած պաշտոնից։

44-ամյա մասնագետին փոխարինելու հավանական թեկնածուներից մեկը «Բոլոնիայի» գլխավոր մարզիչ Տիագո Մոտան է, ով խոսել է այդ լուրերի մասին.

«Ես լսել եմ, որ Խավին լքում է «Բարսան»։ Ինձ այդ մասին հայտնել են րոպեներ առաջ։

«Բարսելոնան» կկապվի՞ ինձ հետ ապագայում։ Ես ապրում եմ ներկայում։ Ես վայելում եմ Բոլոնիայում անցկացրած ժամանակս։ Ես կենտրոնացած եմ միայն ներկայի վրա»,- իտալացի մասնագետի խոսքը մեջբերում է ինսայդեր Ֆաբրիցո Ռոմանոն։

Նշենք, որ Տիագո Մոտան, որպես ֆուտբոլիստ, 2001-07 թթ. հանդես է եկել հենց «Բարսելոնայի» կազմում` անցկացրած 147 խաղում դառնալով 10 գոլի և 11 գոլային փոխանցման հեղինակ։

41-ամյա մասնագետը 2022 թ. սեպտեմբերից մարզում է «Բոլոնիան»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am