Վճռորոշ 4 խաղերը. Կումանի աթոռը լրջորեն երերում է

Վճռորոշ 4 խաղերը. Կումանի աթոռը լրջորեն երերում է

16/09/2021 - 21:39

«Բարսելոնայի» գլխավոր մարզիչ Ռունալդ Կումանի գլխին սև ամպեր են կուտակվել։

Ինչպես տեղեկացնում է Deportes Cuatro-ն, բացառված չէ, որ արդեն հոկտեմբեր ամսին կատալոնական ակումբը պաշտոնանկ անի հոլանդացի մասնագետին։

Սեպտեմբերին «բլաուգրանասը» դեռևս 4 հանդիպում ունի անցկացնելու` «Գրանադայի», «Կադիսի», «Լևանտեի» դեմ Լա լիգայի, «Բենֆիկայի» դեմ` Չեմպիոնների լիգայի շրջանակում։

Եթե այդ հանդիպումների ընթացքում ակումբի արդյունքները չբարելավվեն, ապա «Բարսելոնայի» նախագահ Ժոամ Լապորտան լրջորեն կմտածի Կումանին աշխատանքից հեռացնելու մասին։

«Կապտանռնագույնների» ղեկավարը ցանկանում է, որ 58-ամյա մասնագետը չշեղվի «Բարսելոնայի» փիլիսոփայությունից և հրաժարվի երեք պաշտպանով մարտավարությունից ու խաղալու հնարավորություն տա երիտասարդ ֆուտբոլիստներին` մասնավորապես Ռիկի Պուչին։

Չեմպիոնների լիգայի խմբային փուլի առաջին տուրում «Բավարիայի» դեմ կայացած խաղից հետո (0:3) Լապորտան հանդիպում է ունեցել Կումանի հետ` քննարկելով ստեղծված իրավիճակը, ինչից հետո երկրպագուների համար հանդես է եկել հայտարարությամբ.

«Ես հիասթափված եմ այնքան, որքան դուք։ Մենք սպասում էինք, որ կհայտնվենք նման իրավիճակում։

Ես խնդրում եմ, որ լինեք համբերատար։ Հուսով եմ` դուք շարունակում եք աջակցել մեր ակումբին։ Խնդրում եմ հավատացեք մեզ` այն մարդկանց, ովքեր կառավարում են ակումբը։

Մեզ պետք է ժամանակ և ձեր վստահությունը։ Կասկած մի ունեցեք, որ ստեղծված իրավիճակում լուծում կգտնենք։

Անչափ շնորհակալ եմ ձեզնից»,- գրել է Լապորտան Twitter-ի իր միկրոբլոգում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023