Վեսթ Հեմը սահմանել է Դեկլան Ռայսի հրաժարագինը

Վեսթ Հեմը սահմանել է Դեկլան Ռայսի հրաժարագինը

06/05/2023 - 15:08

«Վեսթ Հեմի» կիսապաշտպան Դեկլան Ռայսը, հնարավոր է, ամառային տրանսֆերային պատուհանի ժամանակ փոխի ակումբային գրանցումը։

Ինչպես տեղեկացնում է ESPN-ը, «մրճահարները» 24-ամյա ֆուտբոլիստի վաճառքից ցանկանում են վաստակել նվազագույնը 100 մլն եվրո։

Լոնդոնյան ակումբի ղեկավարները գիտակցում են, որ ամառային տրանսֆերային պատուհանը Ռայսի ապագայի համար վճռորոշ է լինելու, քանի որ կողմերի միջև գործող պայմանագրի ավարտին մնացել է արդեն 1 տարի։

Չնայած բազմաթիվ անգլիական գրանդ ակումբներ, այդ թվում` «Արսենալը», «Լիվերպուլը», «Չելսին», «Մանչեսթեր Սիթին», «Մանչեսթեր Յունայթեդը» և «Նյուքասլը», հետաքրված են Ռայսի ծառայություններով, «Վեսթ Հեմը» մտադիր չէ վաճառել իր ավագին։

Այդուհանդերձ, ինքը` Ռայսը, ցանկանում է տեղափոխվել ավելի բարձրակարգ ակումբ։

Կան տեղեկություններ, որ Ռայսի տրանսֆերն իրականացնելուն ամենամոտն «Արսենալն» է։

հավելենք, որ անգլիացի ֆուտբոլիստը «մրճահարների» սան է, որի կազմում մինչ օրս անցկացրել է 238 հանդիպում` դառնալով 14 գոլի և 13 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023