Սիմեոնե. «Ինձ դուր չի գալիս ձեռք սեղմելու ավանդույթը, բայց նրանք այլ մշակույթ ունեն»

Չեմպիոնների լիգայի խմբային փուլի 3-րդ տուրում «Ատլետիկո Մադրիդը» սեփական հարկի տակ 2:3 հաշվով պարտվեց «Լիվերպուլին»։

Հանդիպման գլխավոր մրցավար Դանիել Զիբերտի եզրափակիչ սուլիչից հետո Դիեգո Սիմեոնեն միանգամից շտապել է դեպի հանդերձարան` չսպասելով սեղմել «Լիվերպուլի» գլխավոր մարզիչ Յուրգեն Կլոպի ձեռքը։

Խաղից հետո արգենտինացի մասնագետը խոսել է կատարվածի մասին.

«Հանդիպումներից հետո ես սովորաբար չեմ սեղմում մրցակիցների մարզիչների ձեռքը։ Կարծում եմ` դրա կարիքը չկա։ Ինչ-որ մեկը միշտ դժգոհ է լինում արդյունքից։

Ինձ դուր չի գալիս ձեռք սեղմելու ավանդույթը, սակայն նրանք այլ մշակույթ ունեն։ Ամեն դեպքում, երբ մյուս անգամ տեսնվենք Կլոպի հետ, անկասկած, կսեղմեմ նրա ձեռքը»,- «Էլ Չոլոյի» խոսքերը մեջբերում է Marca-ն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am