Սիթին կենտրոնական հարձակվողների շորթ-լիսթ է կազմել

«Մանչեսթեր Սիթիի» գլխավոր մարզիչ Պեպ Գվարդիոլան գալիք ամառային տրանսֆերային պատուհանի ընթացքում, անպայման, ցանկանում է կենտրոնական հարձակվող ձեռք բերել։

Դա մանկունյական ակումբի գլխավոր նպատակն է լինելու, ինչը կապված է Սերխիո Ագուերոյի՝ «Սիթիից» հեռանալու հետ։

Ինչպես տեղեկացնում է The Times-ը, «քաղաքաբնակների» ղեկավարությունն արդեն շորթ-լիսթ է կազմել այդ դիրքի համար։ Այդ ցանկում ընդգրկվել են Էրլինգ Հալանդը («Բորուսիա Դորտմունդ»), Հարի Քեյնը («Տոտենհեմ»), Լաուտարո Մարտինեսը («Ինտեր»), ինչպես նաև Ֆրանկֆուրտի «Այնտրախտի» հարձակվող Անդրե Սիլվան։

Աղբյուրի փոխանցմամբ՝ «Սիթիի» ղեկավարությունը վստահում է Գվարդիոլային և պատրաստ է կենտրոնական հարձակվողի հարցում բավարարել իսպանացի մասնագետի պահանջները։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am