Սարգիս Ադամյանը շուտով նոր ակումբ կունենա

Սարգիս Ադամյանը շուտով նոր ակումբ կունենա

05/07/2022 - 10:41

«Հոֆֆենհայմի» հարձակվող Սարգիս Ադամյանը, ամենայն հավանականությամբ, կարիերան կշարունակի «Քյոլնի» կազմում։

Մի շարք գերմանական աղբյուրներ հաստատում են, որ «Քյոլնը» շատ մոտ է գործարքն ավարտին հասցնելուն։

Մասնավորապես` GGFN-ը, հղում կատարելով Kölnische Rundschau-ին, հայտնում է, որ 29-ամյա ֆուտբոլիստն արդեն այսօր` հուլիսի 5-ին, Գերմանիայի Դունաուեշինգեն քաղաքում կմիանա «այծերին»` մասնակցելու ակումբի ուսումնամարզական հավաքին։

Սպասվում է, որ «Քյոլնը» գործարքի դիմաց «գյուղացիներին» վճարելու է 1 մլն եվրո, այդուհանդերձ, կողմերի միջև կնքվելիք պայմանագրի մանրամասները չեն հաղորդում։

Հավելենք, որ Սարգիս Ադամյանը 2021/22 մրցաշրջանի երկրորդ հատվածը վարձավճարով անցկացրեց բելգիական «Բրյուգեի» կազմում, որի մարզաշապիկով անկացրած 16 խաղում դարձավ 6 գոլի հեղինակ։

Ինչ վերաբերում է հայազգի ֆուտբոլիստի` «Հոֆֆենհայմում» ունեցած մրցելույթներին, ապա Զինսհայմը ներկայացնող ակումբում հանդես էր գալիս 2019 թ. հուլիսից, որի կազմում դաշտ է դուրս եկել 53 անգամ` դառնալով 11 գոլի և 5 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023