Ռոման դիմացավ Լեսթերի ճնշմանը. «գայլերը» դրական արդյունքով են վերադառնում Հռոմ🎥

Կոնֆերենցիաների լիգայի կիսաեզրափակիչի առաջին խաղում «Ռոման» հյուրընկալվելիս մրցեց «Լեսթերի» դեմ։

Հանդիպման մեկնարկում ակտիվ գորժողություններով աչքի ընկան «Լեսթերի» ֆուտբոլիստները, սակայն հյուրերն առաջին իսկ լուրջ գրոհի ժամանակ 10-րդ րոպեին բացեցին խաղի հաշիվը. աչքի ընկավ Լորենցո Պելեգրինին։

Առաջին խաղակեսի մնացած ժականակահատվածն անցավ «աղվեսների» առավելությամբ, ովքեր գնդակին ավելի շատ էին տիրում և ավելի շատ հարվածում, սակայն նրանց պակասում էր դիպուկությունը։

Ամեն դեպքում, կողմերն ընդմիջման գնացին «գայլերի» նվազագույն առավելության պայմաններում։

Երկրորդ կեսում պատկերը չփոխվեց. Բրենդան Ռոջերսը թիմը շարունակում էր գրոհել, ինչն էլ 67-րդ րոպեին, ի վերջո, տվեց իր արդյունքը, քանի որ Ադելոմա Լուկմանը հավասարեցրեց հաշիվը։

78-րդ րոպեին հաշվի մեջ առաջ կարող էր անցնել արդեն «Լեսթերը», սակայն Կելեչի Իհեանաչոյի հեռահար հարվածից հետո «Ռոմային» փրկեց դարպասապահ Ռուի Պատրիսիուն։

«Գայլերը», որոնք երկրորդ կեսում աչքի չէին ընկել գրեթե ոչնչով, 80-րդ րոպեին քիչ մնաց հաղթանակ կորզեին, բայց Սերժիու Օլիվեյրան վրիպեց նպաստավոր դիրքից։

Ամեն դեպքում, այս խաղում այլևս գոլեր չգրանցվեցին, որն ավարտվեց 1:1 հաշվով։

Հավելենք, որ այս դիմակայության պատասխան հանդիպումը կկայանա մայիսի 5-ին` Հռոմում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am