ՊՍԺ-ն լուրջ կորուստով է մոտենում Բավարիայի դեմ պատասխան հանդիպմանը

Չեմպիոնների լիգայի 1/8 եզրափակիչի պատասխան խաղում ՊՍԺ-ն հյուրընկալվելիս կմրցի «Բավարիայի» դեմ։

Փարիզյան ակումբն այդ հանդիպմանը մոտենում է լուրջ կորուստով. խաղը բաց կթողնի Նեյմարը։

Այդ մասին հաստատել է «Պարի Սեն-Ժերմենի» գլխավոր մարզիչ Քրսիտոֆ Գալտիեն.

«Առաջիկա երկու խաղերին Նեյմարը չի մասնակցի, ինչի հետևանքով կխտացնեմ կիսապաշտպանությունը։ Նեյմարի բացակայության պայմաններում դաշտ դուրս կգան երեք կիսապաշտպան և երկու հարձակմանը միտված ֆուտբոլիստ։

Չեմ կարող ասել, որ Նեյմարի բացակայությունը աննշան իրադարձություն է։ Սա շատ լուրջ կորուստ է մեզ համար»,- Գալտիեի խոսքերը մեջբերում է RMC Sport-ը։

Նշենք, որ նախքան «Բավարիայի» դեմ հանդիպումը, Լիգա 1-ի 26-րդ տուրում ՊՍԺ-ն մարտի 4-ին սեփական հարկի տակ կմրցի «Նանտի» դեմ։

Հավելենք, որ «Բավարիա» – «Պարի Սեն-Ժերմեն» հանդիպումը կկայանա մարտի 8-ին։

Հիշեցնենք, որ դիմակայության առաջին խաղում մյունխենյան ակումբը հաղթել է 1:0 հաշվով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am