Պիկեն ՉԼ-ում խփած գոլերի քանակով շրջանցեց Ռամոսին

Չեմպիոնների լիգայի խմբային փուլի 3-րդ տուրի շրջանակում «Բարսելոնան» սեփական հարկի տակ 1:0 հաշվով հաղթեց «Դինամո Կիևին»։

Հանդիպման միակ գնդակը 36-րդ րոպեին խփեց Ժերար Պիկեն` հաղթանակ պարգևելով կատալոնական ակումբին։

Ինչպես տեղեկացնում է Squawka Football-ը, 34-ամյա պաշտպանը Չեմպիոնների լիգայի շրջանակում խփեց իր 16-րդ գոլն ու այդ ցուցանիշով շրջանցեց ՊՍԺ-ի պաշտպան Սերխիո Ռամոսին։

Ռամոսը «Ռեալ Մադրիդում» հանդես գալու տարիներին ակումբային ամենահեղինակավոր մրցաշարի շրջանակում խփել է 15 գոլ։

Բացի դրանից, Պիկեն հավասարվեց բրազիլացի լեգանդար նախկին պաշտպան Ռոբերտո Կառլոսի ցուցանիշին և այժմ նրանք Չեմպիոնների լիգայի շրջանակում երբևէ ամենաարդյունավետ պաշտպաններն են։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am